Nos clubes hai moitas maneiras de incentivar aos xogadores antes dun encontro decisivo, ou mesmamente premialos cun “cariño”, despois do mesmo, sexa cal sexa o resultado, pero se presumen de algo no SD Camelle, é de “Seda da boa”, como di o seu slogan, e en lugar de placa, colgante, bufanda, etc…aos seus xogadores tralo adestramento deste pasado venres, preparatorio para o encontro de hoxe sábado a partires das 17:30 horas no “Rodeiro” ante o SD Laxe, no que o que venza xogará a vindeira campaña na Liga da Costa, agasalláronos cun tarro de salsa de churrasco caseira, un “chimichurri”, “putapariola”, (como lle queirades chamar), que elabora Emerita Carracedo, especialista na mesma, e muller do presidente-fundador do clube camellán, Luis Romaní, e nai do “home para todo”, o seu fillo do mesmo nome.

No clube camellán presumen de ser unha familia e de ter unha das mellores afeccións da costa, e poderíamos estrapolalo a Galicia, e tanto nos adestramentos, como tralos partidos, teñen por costume que o mellor para recuperar forzas é un bo churrasco, e non lle fan ascos as veces a facer unha raxada, sardiñada, ou xurelada, pero o tanto por cento alto son churrascadas, co a salsa de Emerita que tanto lles gusta aos xogadores, de aí o agasallo.

-Foto e Texto :Xosé Búa “Pirata”