No “Peña d´ouro” non se viron goles.
Tal e como xa vos apuntamos tralos resultados do pasado Domingo o Buño derrotaba por 4-0 ao Fisterra na ida das semifinais polo ascenso a División de Honra de Veteranos da Costa e na outra semifinal o Mazaricos e o Malpica empataban a ceros. Polo tanto este Domingo saberemos quen se xogan nas finais o ascenso. O buño teno moi preto pero pode pasar de todo e o Mazaricos e Malpica comezarán como se dunha final a un encontro se tratase.
SCD Buño 4-0 SD Fisterra de Veteranos
Encontro no que se adiantaban os oleiros mediada a primeira metade no “Xaviña” de Buño, cun tanto de Víctor. A segunda metade foi dos malpicáns que poñían terra de por medio cinco minutos despois da reanudación. Whasington era o autor do segundo tanto, (50´). Non chegaba a reacción fisterrana e Víctor repetía para facer o terceiro, (60´), que truncaba o encontro para os visitantes. Wagner no 80 poñía un 4-0 que pode ser definitivo.
CF Mazaricos 0-0 Veteranos SCD Malpica
Bastante xusto de efectivos chegou o equipo malpicán ao “Peña d´ouro” de Pino do Val, (Mazaricos), con tan só 3 homes para ir facendo os recambios, pero o tratarse de veteranos vese minimizado o haber os trocos diversos sen número. Aguantaron os de Malpica as acometidas dos mazariquenses e sumaron un bo empate que fai que todo se decida o vindeiro Domingo no seu estadio.
VOLTA DE SEMIFINAIS
SD Fisterra de Veteranos-SCD Buño
Campo : Arasolis, (Fisterra)
Día : 21/04/2024
Hora : 09:30
Árbitro : Alberto Baña
Veteranos SCD Malpica-CF Mazaricos
Campo : Pedra Queimada, (Malpica)
Día : 21/04/2024
Hora : 10:30
Árbitro : Bruno Méndez
-Foto : Jorge Villar “Gorrión”
Texto : Xosé Búa “Pirata”