O defensa branquiazul, titular esta tarde no carril zurdo, lembrou que “estamos en pretemporada, probando cousas”. “O adestrador quere ver cousas, sistemas diferentes para comprobar con que sistema está máis cómodo o equipo, para ver que lle vén ben ao equipo”, engadiu.

Subliñou que só queda un partido, o do sábado no Carballiño, para “ese ansiado debut en liga. Somos moi optimistas, temos moi boas sensacións”.

Balenziaga admitiu que esta tarde “non logramos o que queriamos, que era gañar. Nós sempre pensamos en gañar. Pero é pretemporada, estamos a probar cousas. O sábado temos outra proba máis para chegar nas mellores condicións”.

A nivel persoal, afirmou estar “moi cómodo tanto no equipo como na cidade. Estou a adaptarme moi ben, moi contento e con moitísimas ganas de empezar a temporada”.