Son moitas as lesións e expulsións que leva o Depor nesta tempada 2023/24 e de non ser a expulsión de Davo que se perdeu os derradeiros 2 encontros, Idiakez podería ter contado coa plantilla o completo para o encontro ante o Osasuna B do vindeiro día ás 20:00 horas, pero desta volta ainda non será, nen para o seguinte, e pode que nun mes.

Todo está por ver segundo vaia a lesión de escordadura do ligamento do xeonllo de Pablo Martínez, que sufreu trala dura entrada no minuto 80 de encontro ante o Tarazona, unha falta que supuxo o gol extraordinario de Lucas Pérez de libre direto, e que o que foi peor, o abandono do campo por lesión do franco-español.

Leva Idiakez sen poder contar con todo o plantel dende o 4 de Setembro de 2023 cando lesionaron a Yeremay no encontro xogado no Ánxo Carro, e digo “lesionaron”, porque o xogador canario foi perseguido e derribado con numerosas faltas, en especial de Sabit, ata que conseguiron sacalo do partido, e do terreo de xogo por máis de 3 meses. A este despropósito houbo que sumarlle nas xornadas seguintes a expulsión de Lucas por dous encontros, as lesións no seguinte de Barbero, Ximo Navarro e Mella, e así un ronsel de lesionados, (Balenziaga, Cayarga, Valcarce, Paris Adot, Jaime, Pablo Vázquez, Villares, Retu…), uns por máis e outros por menos tempo, e de expulsados, (Pablo Martínez, Jurado, Lucas, Davo…).

-Foto : RC Deportivo

-Texto : Xosé Búa “Pirata”