Lévase falando desde as derradeiras horas do inminente desembarco do neerlandes Zakaria Eddahchouri, nado en Papendrecht, (2000), da Provincia Meridional ao oeste dos Paises Baixos.
Xogador alto de 1´87 que a xulgar polos vídeos ten certo parecido a Quiles, pero a pesares dos seus extraordinarios números no Telstar da 2ª holandesa con 17 goles en 23 encontros, sendo considerado a estrela da división, o nivel non ten nada que ver ca segunda española.
Tras pasar hoxe a revisión médica adestrará con toda probabilidade mañán co equipo e haberá que ver como se adapta e como funciona no noso fútbol, dado que a división de prata holandesa anda máis polo estilo da Primeira Federación española en nivel. A seu favor a xuventude e as gañas que teña de trunfar nun fútbol tan esixente coma o español.
Xa foi visto esta mesma noite na Coruña polo que nos comentan dous dos socios da nosa peña que o viron.
https://www.youtube.com/watch?v=lw2yDfMi7bw&ab_channel=WikiSportsHub
-Foto : Opta stats perform
-Texto : Xosé Búa “Pirata”
-Vídeo : Wiki Sports Hub