Yago Gandoy despoism de xogar cedido no Coruxo deixa de pertencer o RC Deportivo, así nolo comunican :
Yago Gandoy Martínez (A Coruña, 13 de abril de 1999) non continuará pertencendo ao RC Deportivo unha vez concluída a cesión do futbolista Deportivista no Coruxo FC.
Desde agora, Gandoy poderá escoller libremente o seu próximo proxecto profesional, para o que o Deportivo, igual que a nivel persoal, deséxalle a maior das sortes, agradecéndolle tamén o traballo durante toda a súa carreira formativa na Cidade Deportiva de Abegondo.
Letin Sevilla nova xogadora do Deportivo Feminino
Leticia Sevilla Bulfoni (Barcelona, 30 de xuño de 1997) converteuse en nova xogadora do Deportivo ABANCA por unha temporada.
Letti procede do FC Levante Las Planas, equipo que a pasada temporada logrou a primeira praza do grupo Norte de Reto Iberdrola e logrou o ascenso á máxima categoría. A centrocampista barcelonesa foi unha peza crave no conxunto de Sant Joan Despí, pois xogou 29 dos 30 encontros do campionato, todos como titular. Ademais, marcou 4 goles.
Formada no CE Sant Gabriel, Letti foi fichada polo RCD Espanyol na Temporada 2015-2016. Co conxunto branquiazul xogou seis temporadas na máxima categoría nacional até a súa saída no verán de 2021. A volante catalá, que durante catro dos seus seis anos no RCD Espanyol compartiu vestiario coa central deportivista Inés Altamira, totaliza 132 partidos e 6 goles na división de honra nacional.
Letti súmase ao cadro deportivista tralas renovacións de Ainhoa Marín, Inés Altamira, Paula Gutiérrez, Raquel García, Patri López, Aroa e Carlota Sánchez, máis Cris Martínez e Eva Dios, con contrato en vigor, e as fichaxes de Carlota Suárez, Millene Cabral, Marta Charle e Yohana.