O Volantes de Baño e o CF Lira xogaban na tarde deste sábado no único encontro que se dispuatba no fútbol senior da costa na xoranda sabatina, tal e como xa vos informábamos na nosa AXENDA PIRATA. Un choque que se xogaba no Eleuterio Balayo de Muros con sabor a derbi.
Volantes de Baño FC 0-0 CF Lira
Así veu o choque o adestrador dos de Lira, Óscar Leis :
“Arrancamos bastante ben o partido e tivemos as mellores ocasións na primeira parte. Beiro tivo a máis clara, pero tanto el como Iván e Cibrán puideron adiantarnos no marcador. O partido foise igualando e o Volantes foi a máis.
Na segunda parte estivemos peor e foi o Volantes o que tivo máis ocasións, pero aí emerxeu a figura de Raúl baixo paus, que, a pesar de xogar con moitas molestias, mantivo a portería a cero con intervencións de moito mérito. Nós, nesta segunda parte, dispuxemos de só dúas ocasións, pero a máis clara foi no último minuto, nunha boa xogada de Hugo que sacaron baixo paus.”
Volantes de Baño FC : Alexandre, Marcos, Stefan, Eduardo, Javier Romero, Raúl, Iván, Saúl, Hugo, Alexis e Aarón. Tamén xogaron : Adrián, Roberto, Jordy, Maceiras e Rya.
CF Lira : Raúl, Xurxo, Chrístian, Marcos, Ludwig, Cibrán, Iván París, Xabier, Alberto, Freire e Carlos. Tamén xogaron : Alexandre, Ramón, Martiño e Hugo.
Árbitro : José Ramón Fernández
Goles : 0-0
.
3ª DA COSTA
21ª xornada
Domingo 08/03/2026
Volantes de Baño FC 0-0 CF Lira
CD Baiñas – UC Cee, ás 12:00
SD Oza – UD Cerqueda, ás 19:30
SD Camelle – Sporting Seaia CF, ás 17:00
Inter de Brens – CF Muxía “B”, ás 16:30
SD Laxe – SD Coristanco, ás 17:30
SCD Buño – CD Nantón, ás 18:00
Descansa : Atlético Pereiriña FC
.
.
-Fotos CF Lira : Óscar Leis
-Texto : Xosé Búa “Pirata”