Valín asina polo CD Numancia
Se onte anunciabamos que Jorge Valín rescindía co RC Deportivo, ex lateral dereito deportivista xa ten novo equipo, formará parte do CD Numancia, tal e como o apuntaba no día de hoxe o equipo numantino.
7 amigables pechados para o Deportivo Feminino
O Deportivo ABANCA ponse en marcha en dous días. O luns 25 de xullo, o cadro está citado ás 9:00 na Cidade Deportiva para recibir a benvida da adestradora Irene Ferreras e ser sometido a unha primeira avaliación física.
Ao día seguinte, martes 26, as xogadoras deportivistas pasaranse desde as 8:00 polo centro Quirónsalud de ABANCA-RIAZOR para as pertinentes probas médicas, analítica incluída, a cargo dos Servizos Médicos do Real Club Deportivo. Pola tarde, ás 17:30, terá lugar o primeiro adestramento na Cidade Deportiva.
Non será até o mes de agosto cando dispute o seu primeiro encontro preparatorio, o sábado 6 fronte ao Valadares Gaia FC portugués. Con posterioridade medirase a SD Eibar (mércores 17), Viajes Interrías FF (domingo 21), Real Oviedo Femenino (domingo 28), Athletic Club B (sábado 3 de setembro) e a un conxunto de Primeira Federación aínda por determinar (domingo 4 de setembro). Ademais, tamén disputará o X Trofeo Teresa Herrera.
A liga arranca o sábado 10 ou o domingo 11 de setembro
O Deportivo ABANCA iniciará a liga en Primera Federación (antiga Reto Iberdrola) o vindeiro sábado 10 ou o domingo 11 de setembro. A competición concluirá o 14 de maio de 2023. As datas dos playoff de ascenso serán o 21 e 28 de maio.
-Foto e Texto : piratasdemuxia/rcdeportivo