Moita igualdade nos dous encontros de semifinais da ida das Semifinais da “Copa da Costa Xuvenil”, polo que todo queda para os encontros da volta o vindeiro sábado en Corme e Cabana.

O SD Sofán derrotaba por 2-1 ao Corme CF nun choque no que se adiantaban os sofanistas por medio de Ramón aos 19 minutos de xogo e conseguía neutralizar este gol Brais, para os cormeláns, xusto antes do descanso. Brais Calvo, acadaba o gol da vitoria nos derradeiros intres do choque, (83´).

Por outra banda o Xallas FC e o Cabana SD empataban a uns, (1-1). Adrián poñía por diante aos xalleiros no 40, e o empate non chegaba ata o derradeiro suspiro do choque, cando Rubén batía a Iker Arán, xa en tempo de desconto.

-Foto . Cabana SD

-Texto . piratasdemuxia