TENIS DE MESA : “Tropezo con sabor agridoce do VTM e remate a unha brillante primeira tempada do seu filial”.

 1ª GALEGA 

VTM Pinturas Figueiras 2
Oroso Ríos Sangiao 3

O VTM sufriu un inesperado tropezo na casa ante o segundo clasificado nun encontro moi igualado. Os vimianceses comezaron fríos, cedendo os dous primeiros puntos (0-2), pero souberon reaccionar con carácter para igualar o duelo.

Cando todo apuntaba a unha remontada completa, o último punto caeu do lado visitante, deixando un axustado 2-3 final.

A pesar da derrota, os de Vimianzo manteñen o liderado da táboa a falta de tres xornadas, dependendo de si mesmos para lograr o título.

VTM: Budi, Paco Paz, Nico Paz e Julio.

 2ª GALEGA

Celta Ingenieros Narón 0
Vimianzo TM 5

Club del Mar Senior 1
Vimianzo TM 4

Xornada redonda para o filial do Vimianzo TM na última concentración da liga, disputada no Club do Mar de San Amaro (A Coruña). O equipo asinou dúas vitorias contundentes que certifican unha tempada para o recordo.

Con estes resultados, os vimianceses acadan un meritorio terceiro posto final no seu ano de debut, deixando unha imaxe excelente de futuro e competitividade.

Vimianzo TM: Karim, Pablo, Jonathan e Martín.

.

-Información e fotos : Paco Paz

-Texto : Xosé Búa “Pirata”