SVENSSON NOVA BAIXA POR PROBLEMAS MUSCULARES, E AS RAPAZAS DO FEMININO XA ESTÁN NA CASA TRALO SUSTO EN GRANADA.

Svensson acabou con molestias en Alcorcón.

 

Esta mañán cedo almorzábamos ca mala nova de outra baixa nas filas do Depor. O clube anunciaba que tras realizarlle probas médicas a Max Svensson, estas arroxaban que sufría un problema nos isquiotibiais, das que unha vez máis non se desvela do grao de gravidade.

O que sí é seguro é que será baixa para o encontro do vindeiro sábado ás 19:00 horas, (18:00 GMT), en Riazor ante o Sanse. Encontro para os que son baixa segura ademáis de Svensson, Raúl Carnero, tamén por lesión, e Mackay pola expulsión do pasado sábado en Alcorcón.

 

 

As rapazas, Laura e Henar, do feminino xa na casa

O pasado Domingo as rapazas do Deportivo feminino, Laura Fernández e Henar Muiña, chocaron de maneira fortuíta na disputa dun balón dividido cunha xogadora do Granada CF. Laura Fernández, que non puido continuar sobre o céspede e foi trasladada en ambulancia a un centro médico, sufriu un corte na zona periorbital. Pola súa banda, Henar Muiña recibiu un forte golpe con ferida na fronte aínda que, cunha vendaxe, puido concluír o partido.

No día de onte recibiron a alta hospitalaria no Hospital de Neurotraumatología e Rehabilitación de Granada e, acompañadas por Rocío Candal, Responsable do Déportivo Feminino, regresaron xa á Coruña.

-Foto : RC Deportivo

-Texto : piratasdemuxia