Segundo encontro para Mella no europeo Sub 19
David Mella iniciou coa Selección Española Sub 19 o pasado martes a Fase Final do Campionato de Europa sub-19 que se celebra en Irlanda do Norte. O canteirán branquiazul xogou ata o minuto 67 no debut da competición, no que os españois derrotaron a Dinamarca, (1-2), grazas a un gol de Íker Bravo na recta final, cando ían igualados a un, ademais xusto despois de que a selección quedase con 10 futbolistas debido á expulsión de Rayane.
A próxima cita para España será hoxe venres 19 de xullo ás 19:00 horas, (hora española, 17:00 GMT), ante Turquía en Seaview (Belfast).
O calendario de partidos de España, cos resultados dos xa xogados, é o seguinte:
Martes 16 de xullo
DINAMARCA 1-2 ESPAÑA
Venres 19 de xullo
19:00: TURQUÍA – ESPAÑA, en Seaview (Belfast)
Luns 22 de xullo
19:00: ESPAÑA – FRANCIA, en Iver Park (Lane)
Os dous primeiros de grupo pasarán a semifinais, que se celebrarán o 25 de xullo antes da final, prevista para o domingo 28 de xullo no National Football Stadium de Belfast.
-Foto : RFEF
Texto : Xosé Búa “Pirata”