SARA NAVARRO NOVA XOGADORA DO DEPORTIVO FEMININO.

 

Cando parecía que o plantel do Deportivo Feminino xa estaba pechado, pois xa se deran os dorsais co peche de mercado, chéganos a confirmación dende o RC Deportivo da fichaxe de Sara Navarro Rivera (Sabadell, 21 de agosto de 1995).

A extremo catalá xogou a pasada temporada no Levante Las Planas. Con anterioridade, a nova xogadora deportivista militou na SD Eibar, o SC Huelva e o Albacete, acumulando un centenar de partidos desde a temporada 2017/2018 nos catro conxuntos.

Sara incorporarase mañá pola tarde en Abegondo aos adestramentos do Dépor ABANCA ás ordes de Irene Ferreras.

 

-Foto : RC Deportivo

-Texto : piratasdemuxia/rcdeportivo.es