Santa Comba coroará este domingo aos campións e campioas galegas de fútbol sala da tempada 2021/2022. O Pavillón Municipal Fontenla será o escenario que albergue durante unha xornada maratoniana de fútbol sala en estado puro as seis finais autonómicas nas súas diferentes categorías.
Infantil Feminina
A final da categoría infantil feminina será a encargada de abrir a xornada en Santa Comba a partir das 10.30 horas
- Viaxes Amarelle FSF – ED Poio Pescamar
Benxamín
Ás 12 horas do mediodía arrincará a gran final da categoría benxamín.
- Ribeira FS – Ganomagoga IES Coruxo
Prebenxamín
Os prebenxamíns poñerán o peche á xornada matinal destas finais galegas de fútbol sala a partir das 13.15 horas.
- Alto do Vento Fútbol Sala – Casa Paco 81 Rodavigo A
Infantil
O final da Liga Galega infantil masculina disputarase a partir das 16 horas.
- Club do Mar San Amaro – Campito Chapela FS
Alevín
Dúas horas máis tarde, ao fío das 18 horas, terá lugar a gran final da categoría alevín masculina.
- Galicia Gaiteira – Ganomagoga IES Coruxo FS
Cadete Feminino
As cadetes serán as encargadas de poñer o broche de ouro a unha xornada para o recordo en Santa Comba a partir das 20 horas.
- FSF Castro – ED Poio Pescamar FS
-Foto e Texto : futgal.es