Rolda de prensa de Uche Agbo na entrega do galardón de “Mellor xogador do mes de Novembro”, entregado por Estrella Galicia cada mes ao xogador máis votado polos afeccionados e a prensa na web do club.

Uche Agbo manifestou esta mañá en Abegondo, após recoller o premio Estrella Galicia ao mellor xogador do Deportivo no pasado mes de novembro, que “se me tivese que dar unha nota do 1 ao 10 pois me poñería un 8 ou 9, pero co obxectivo de chegar ao 10”.

Acompañado na súa comparecencia pola tradutora Bibiana Santiso, o internacional deportivista admite que lle falta “empezar a marcar goles, dar máis asistencias ao equipo e mellorar cos pés”.

Uche pide aos afeccionados do Deportivo que lembren que “somos un equipo novo. Estamos a buscar a maneira, afacéndonos e cuantos máis partidos xoguemos, canto máis erros cometemos vimos aquí e corrixímolos. Como se pode ver nos últimos partidos estamos xa mostrando máis solidez”.

Reclama pois “paciencia” ao deportivismo e pon o seguinte exemplo: “Se empezamos a atacar, imaxina que perdemos por empezar a atacar; e ao final non cumprimos o obxectivo. ¿Non será mellor seguir xogando como estamos a xogar e seguir primeiros na liga; e cumprir o obxectivo?”.

-Foto, Vídeo e Texto : RC Deportivo/piratasdemuxia