ROLDA DE PRENSA DE PEDRO SÁNCHEZ E NOVAS BREVES DEPORTIVISTAS.

-ROLDA DE PRENSA E NOVAS BREVES-

Pedro Sánchez amosouse contento na rolda de prensa.

Pedro Sánchez : “Non é momento de mirar como se xoga, senón dos resultados. O importante é sacar os resultados bos”–

-Escolma de novas breves-

Hoxe pasou por rolda de prensa Pedro Sánchez e amosou o que ten ter bos resultados. O atacante deportivista ao igual co resto da plantilla sorrí tralas duas vitorias seguidas. Con seguridade xogaron peor ca noutros encontros que perderon ou empataron, pero as vitorias fan que ata a sorte esté de cara e todo o que non entraba e lles entraba a outros, agora parece que vai dentro e a entrega e a insistencia é maior. “Non é momento de mirar como se xoga, senón dos resultados, o importante é sacar os resultados bos, non sei se fai ben, mal, regular, mellor, peor…”, decía Pedro o repecto. Está convencido de que non está todo feito, que ainda poden chagar o ascenso direto e puxo como exemplo o ridículo que fixo o Barcelona en Liverpool, despois de adulterar a liga española mandando a Vigo o Barcelona “B”, para descansar, de que o clube inglés tivese a 3 das suas estrelas de baixa e de chegar cun 3-0 a favor, e de que os ingleses tiveran todo en contra, foron quen de darlle a volta a tortilla e ser eles cun merecemento extraordinario os que pasaron a rolda tras gañar 4-0. “O Liverpool-Barça é o mellor exemplo de que no fútbol todo pode pasar” dixo o de Aspe.

-NOVAS BREVES DEPORTIVISTAS-
Manuel López Cascallar 3º pretendente a presidencia do Depor
 
Por medio dun “Twitt”, Manuel López Cascallar, que xa tentara dar o asalto a presidencia no 2014 e non conseguira os apoios suficientes tendo que retirarse da lea, afirmou que o vindeiro venres 10 de Maio presentará a sua candiatura a presidencia do clube e quenes serán os que o acompañarán na loita por alzarse coa vitoria nas eleccións. Fará a presentación da sua candidatura no Hotel Zenit da Coruña a partires das 11:00 horas.
 
 
Prereserva de entradas e buses para o Depor-Lugo
 
A Federación de Peñas Deportivistas ten aberto o prazo ata mañá 8 de Maio de prereserva de entradas para o Lugo-Depor do vindeiro 19 de Maio a partires das 18:00 horas no “Ánxo Carro”. Non se sabe ainda cantas entradas recibirá o ente deportivista, polo que teñen preferenza os peñistas socios do Depor e tamén as peñas que mandaran o seu listado de socios. Tamén nos informan dende a nosa Federación que haberá buses para Lugo desde Coruña, cun prezo de 10 euros para os peñistas. A saída será ás 12:30 horas do mesmo domingo, 19 de maio, desde o Palacio dos Deportes de Riazor. A volta, cos tres puntos no peto, unha vez finalizado o encontro (hora estimada, 22:30), desde o propio “Estadio Ánxo Carro”. As peñas que o desexen, xa poden reservar as prazas seguindo as canles de sempre ca Federación de Peñas.
 
 
 
“Día das Peñas” o vindeiro Domingo 12 de Maio co Depor-Cádiz
 
A Federación de Peñas Deportivistas decideu que o “Día das Peñas” se celébre o vindeiro Domingo 12 de maio, coincidindo co partido entre o Deportivo e o Cádiz. Haberá coma sermpre a carón do estadio postos de xantares e bebidas, así como música. tamén está aberto o prazo de peticións de entradas (a 5 euros) para o encontro : cada peña terá que solicitar o número de entradas que necesita a través do seu presidente ou da persoa que se designe desde a mesma.
 
 
 e ida da 2ªeliminatoria do ascenso para o Deportivo Feminino
O vindeiro Domingo ás 11:00 horas o Dépor Abanca xogará en Abegondo a ida da 2ª eliminatoria polo ascenso á Liga Iberdrola. Máis de 1.000 socios xa solicitaron a invitación para poder presenciar o encontro en direto ante o Femarguín, o equipo do polo de Juan Carlos Valerón, Arguineguín.
 
 
 
 

ROLDA DE PRENSA DE : PEDRO SÁNCHEZ

(Por : rcdeportivo.com)

 

Pedro Sánchez pasouse esta mañá pola sala de prensa de Abegondo. Autor do gol do triunfo o pasado sábado en La Romareda, “a un mesmo e ao equipo vénnos moi ben”, apunta.

 

A pesar da mala serie de partidos que acaba de superar o Deportivo, o atacante branquiazul asegura que “sempre houbo alegría no vestiario. Por circunstancias ás veces non conseguimos o que queremos, que son as vitorias. Pero hai que levalo da mellor maneira para volver ao camiño”.

 

Advirte que “estamos na fase máis importante. Esperemos dar o mellor rendemento todos e iso vainos a vir ben para este tramo final”.

 

Bo coñecedor da categoría, non ve diferenzas esta temporada con respecto a outras anteriores: “Todos os anos a estas alturas son iguais. Os que están por abaixo pelexando téñeno difícil para poder conseguir esa salvación; e os que están a pelexar por arriba teñen complicado meterse entre os mellores. A nós custounos nos últimos meses. Só pensar en chegar o mellor nas dúas últimas xornadas, a ver que pasa”.

 

Coa clasificación na man, Pedro Sánchez pide “ser realistas porque estamos a sufrir por entrar no playoff. Imos tentar conseguir esta semana 3 puntos e logo miralo doutra maneira. Pero hai que ser realistas. Estamos a tentar meternos no playoff”.

 

Non quere confianzas de ningún tipo aínda con dúas vitorias consecutivas. É máis, lembra que “ante rivais téoricamente máis alcanzables (Rayo Majadahonda e Extremadura UD) déronnos en toda a cara. Isto é a Segunda División”. Agora, ante un rival directo, o Cádiz CF este domingo 12 de maio en ABANCA-RIAZOR (16:00 horas, Movistar Partidazo), espera un partido “moi difícil, moi competitivo. Sabendo ao que eles xogan, hai que ser un pouco máis pillos e listos que eles para conseguir esa vitoria”.

 

Do conxunto gaditano, di que “levan toda a liga xogando así, de memoria. Temos que lelo moi ben para conseguir esa vitoria”.

 

Non ten dúbidas de que a afección o domingo “vai estar aí como estivo durante todo o ano. Ao final o público é normal que estea desgustado por estes dous meses”.

 

A nivel persoal, Pedro opina que “me gusta moito superarme nas adversidades”, en forma de lesións ou suplencias. “O máis importante é axudar no que poida de aquí ao final”, conclúe.

 

 

+++++++++++++++++++++++

-Se queres mandarnos algunha información e fotos de deportes, podes facelo no correo : info@piratasdemuxia.es–

-Debaixo das publicidades tes como contactar connosco
se queres axudarnos poñendo a túa-

-COLABORA COA NOSA WEB-

Queres que a tua publicidade salga en todas as nosas noticias?…

Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.

Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.

Consúltanos que tipo de publicidade queres, por un ano cobramos menos ca outros, (de repercusión moi inferior), nun día, semana ou mes.

-Axudándonos a funcionar, axudaraste a que che coñezan-