A comparecencia de Mario Soriano hoxe serviu para lanzar unha mensaxe de tranquilidade, compromiso e foco. Ao adiantar o partido contra a Real Sociedad B ao sábado 13, (21:00 horas/20:00 GMT), o Deportivo aproveita a pausa ata a cita copera para centrarse na liga. Soriano puxo de manifesto que este equipo ten argumentos para competir, pero que, sobre todo, necesita “paciencia, tranquilidade” e “traballo firme”.
“Fíxose un equipo moi bo e competitivo”, dixo o “Joker”, e afirma de que hai que ter “paciencia, tranquilidade que queda moito…Hai que darlle a volta a esta derrota e volver a facer de Riazor un fortín”.
Pola súa banda, referíndose ao rival inmediato (Real Sociedad B), advertiu que “os filiais teñen xogadores moi bos, técnicos e con ganas de chegar ao primeiro equipo. Se lles deixas, poden facerte dano”. Con todo, insistiu en que o obxectivo debe ser “dar eses tres puntos á afección e pechar o ano da mellor maneira en Riazor”.
Usamos cookies. Se cres que está ben, só tes que premer en "Aceptar todo". Tamén podes escoller que tipo de cookies queres premendo en "Configuración".
Lea a nosa política de cookies
