ROLDA DE PRENSA DE LUCHO GARCÍA : “VEXO O EQUIPO MOI CONCENTRADO E SEN MEDO”.

 

Pasou por rolda de prensa o meta colombiano Lucho García que dixo que “toca estar moi concentrado e todo o que rodea o encontro aproveitalo para nós”., e asinteu a “fé en que poida ser esta semana”, coa axuda do encontro da Malata do sábado antre Ferrol e Numancia, pero subliña que o principal é, “que gañemos nós o Langreo”, encontro para o que ve o “equipo concentrado e sen ningún medo”, se toca certificar a competición na 1ª RFEF, en Soria no derradeiro encontro desta liga.

O meta deportivista asegura que esta semana de traballo “non é moi diferente” ás anteriores: “Levamos varias semanas xogándonos moito e xogamos sempre con presión. É unha semana normal que si é verdade que é moi importante. Ten un toque especial porque podemos certificar o que vimos loitando estas semanas. Toca estar concentrado e todos eses nervios, todo iso que rodea ao partido, aproveitalo para motivarnos e para saír con todo estas dúas fins de semana”.

Desexa que o obxectivo “se poida conseguir esta fin de semana. Eu teño fe en que poida ser así. Hai que estar preparados se é aquí e se é contra o CD Numancia. Hai que estar preparados para ambas as cousas. Primeiro estar centrados no partido que temos contra o UP Langreo e xa despois mirar como se dan todas as cousas”.

De feito, lembra que “nos momentos nos que tivemos máis tensión e nos que tivemos que gañar si ou si, eses partidos foron os que mellor se nos deron. Oxalá podamos certificar esa clasificación esta fin de semana pero se toca facelo en Soria hai que facelo e xa está. Ir a por iso e sen ningún medo”.

Coa posible presenza de 5.000 representantes de #ANOSAFORZA en ABANCA-RIAZOR, á espera de confirmación oficial por parte da Xunta de Galicia, Lucho opina respecto diso que “é algo que estaba a anhelar todo este ano. Anhelaba que chegase este momento, que puidese haber bastantes afeccionados animándonos. Agora que teño o privilexio de estar a xogar para min é un orgullo que poidan estar os afeccionados, que poidan alentarnos. Foi un plus sempre que xogamos aquí, estiveron alentándonos en todo momento, cando saíron as cousas mellor e cando saíron peor. Penso que vai ser fundamental que teñamos a #ANOSAFORZA esta fin de semana en ABANCA-RIAZOR”.

Finalmente, do partido da primeira volta no Nuevo Ganzábal de Langreo, o porteiro deportivista advirte que a derrota branquiazul “non foi por intensidade ou por saír dunha maneira ou outra. Eles expuxeron ben o seu partido. Puido ser para eles ou para nós, se chegamos a meter as ocasións que tivemos. Non hai que darlle máis voltas. Aquí en ABANCA-RIAZOR vai ser un partido diferente. O equipo vai desenvolver un bo xogo, estamos preparados para iso. Os partidos con máis tensión e máis importantes sacámolos adiante”, reitera.

.

-Foto e Vídeo : RC Deportivo

-Texto : piratasdemuxia/rcdeportivo.es


Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies