ROLDA DE PRENSA DE DANI GIMÉNEZ

Dani Giménez falou en rolda de prensa.
-Rolda de prensa de Dani Giménez
Novas Breves : Lesión de Carlos Fernandez e outras-
 Dani Giménez, o xogador que mellor fala e ve todo o que pasa no equipo, pasou por rolda de prensa. Coma sempre falou con moito criterio do que se viveu estes días ca derrota ante o Rayo Majadahonda e coas sensacións co novo adestrador José Luis Martí, así como das suas sensacións de cara o que queda por afrontar. Fíxoo no marco da entrega do premio “Estrella o mellor xogador de Marzal”, que recibeu esta mañán. Ademáis da rolda de prensa do meta galego do Depor, tes unha serie de novas breves sobre Carlos Fernández que saeu lesionado no adestramento cun problema nos isquios, ou sobre a oferta de prezos para o Depor-Extremadura do Domingo 21 de Abril e prereserva de entradas para o Numancia-Depor da xornada seguinte, (26 Abril ás 21:00 horas-19:00 GMT).
NOVAS BREVES
 
 
Carlos Fernández lesionado
 
Nun intre do adestramento desta mañán en Abegondo, Carlos Fernández agarrouse a sua cóxega esquerda e pideu a asistencia dos médicos. O parecer sufreu unha molestia nos isquiotibiais e é seria dúbida para Pamplona para medirse o sábado ao Atlético Osasuna a partires das 18:00 horas, (16:00 GMT), no “Reyno de Navarra”.
Oferta de entradas para o Depor-Extremadura
 
O clube na sua loita por animar aos máis xoves a ir a Riazor a axudar a levar en andias o equipo, ven de anunciarnos unha oferta de entradas a baixo custo : “As entradas para o partido da 35ª xornada de LaLiga 1|2|3 no Estadio ABANCA-RIAZOR entre o Real Club Deportivo e o Extremadura UD están á venda en todos os puntos habituais do Real Club Deportivo. O encontro dispútase o domingo 21 de abril ás 16:00 horas. O prezo único das entradas é de 10 euros en todas as localidades dispoñibles, 5 euros para os menores de 15 anos. Tamén hai entradas para a zona VIP “Área 1906” a 95 euros.Ademais, os socios do RC Deportivo poden subir o nivel do seu asento e comprar entradas para a zona VIP “Área 1906″ con desconto en función da bancada da que sexan abonados, con descontos de entre 10 e 35 euros sobre o prezo para público en xeral desta localidade especial do Estadio ABANCA-RIAZOR”.
Prereserva de entradas para Soria
 
A Federación de peñas deportivistas ven de anunciarno que queda aberto o prazo de prereserva de entradas para o Numancia-Depor do venres 26 de Abril a partires das 21:00 horas, (19:00 GMT). En caso de haber para todos xa informarán aos que se apunten. O viaxe sería de 15 euros por peñista, autobús incluido.
 
 
ROLDA DE PRENSA DE : DANI GIMÉNEZ

(Por : rcdeportivo.com)
 

Dani Giménez manifestou aos medios de comunicación, após recoller o Premio Estrella Galicia ao mellor xogador do Dépor no mes de marzo, que José Luis Martí recalca nestes primeiros días en “o que levamos incidindo nas últimas semanas. O máis importante é que temos que ser un equipo gañador. Hai que facer 3 ou 4 cousas ben, pero hai que gañar. A iso ímonos a dedicar. A adestrar hoxe pero para gañar a fin de semana. É o que nos vai a sacar desta posición e vainos a achegar ao noso obxectivo”.

O meta deportivista apunta que “quedan 9 partidos. Temos que gañar os 9, empezando polo de Pamplona”.

Pide un dos capitáns branquiazuis “centrarnos no día a día, nesas 4 ou 5 cousas que deixamos de facer, facelas ao estilo do míster. Non ter medo, facer as cousas de maneira valente. O Dépor ten que saír a todos os campos a conseguir os 3 puntos”.

Sen dubidalo Dani Giménez cre que hai tempo para ascender de maneira directa: “Son 27 puntos en xogo. O mesmo que nós estivemos irregulares nestes 2 meses últimos, os equipos de arriba pódelles pasar o mesmo”.

Nesta liña, recalca que “agora é complicado gañar. A tensión nas pernas nótase. Nós temos unha oportunidade moi boa. A xente está de novo enganchada. Temos un partido moi bonito. A min encántame xogar alí, nun campo no que pasan cousas diferentes”, concluíu en referencia ao partido no Sadar ante CA Osasuna deste sábado 13 de abril (18:00 horas, Movistar Partidazo).

Lembra respecto dos bos números do equipo vermello no seu estadio que “as estatísticas están para rompelas. E nós fóra de ABANCA-RIAZOR estamos mellor. Agora imos sumar esas 4 ou 5 cousas que non estabamos a facer con esa ilusión, con esa fortaleza que estabamos a mostrar fóra de casa. Non nos vale especular. Temos que saír en Pamplona a gañar. E estes 3 puntos van ser o inicio de algo bonito, de porqué ¿non dunha remontada que a xente lembre?”

Reflexionando sobre o sucedido nesta última semana, co cesamento de Natxo González, está convencido Dani que a esta situación “chégase por unha mala xestión emocional do xogador. Cando ti queres e non podes, algo estiveches facendo mal nos últimos meses. Para chegar a esa situación de impotencia tes que recompilar cousas negativas que non che deixan mostrarte a ti como es como futbolista. Ao final facer un cambio radical é o único que che pode achegar algo positivo”.

Nesta liña, subliña que coa chegada dun adestrador novo “cambian radicalmente os adestramentos, cambia radicalmente a mentalidade non só dos que non xogan, que é algo lóxico e obvio, senón tamén dos que están a xogar. Gustaríame que non pasase isto. Pero é pasado e hai que centrarse no partido de Pamplona”.

Finalmente, o porteiro branquiazul non está de acordo nos que falan do ‘peso’ do escudo, máis ben é “ao revés, como algo que che motive a gañar todos os partidos. Ao final todos queren xogar nos mellores equipos e demostrar que está aí por algo. Se non estás preparado para xogar nun equipo grande de Segunda División, debes prepararte xa día a día. Máis que presión, tes que notar o empuxe do escudo, o empuxe da historia e o empuxe da xente. Fálase moito da asistencia pero hai poucos campos que meten a xente que vai a ABANCA-RIAZOR”.

++++++++++++++++++++++

-Se queres mandarnos algunha información e fotos de deportes, podes facelo no correo : info@piratasdemuxia.es

-Debaixo das publicidades tes como contactar connosco
se queres axudarnos poñendo a túa-

-COLABORA COA NOSA WEB-

Queres que a tua publicidade salga en todas as nosas noticias?…

Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.

Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.

Consúltanos que tipo de publicidade queres, por un ano cobramos menos ca outros, (de repercusión moi inferior), nun día, semana ou mes.

-Axudándonos a funcionar, axudaraste a que che coñezan-

Attachment

Leave a Comment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies