ROLDA DE PRENSA DE BORJA JIMÉNEZ : “Pouquiño a pouco ímonos achegando ao que pode ser a realidade da competición”.

 

Borja Jiménez manifestou na sala de prensa de ABANCA-RIAZOR, unha vez concluída a LXXVI edición do Trofeo Teresa Herrera, que “dentro de que nos enfrontamos a un equipo de categoría superior, estivemos ao seu nivel polo menos; en canto a ocasións, a xerar situacións de gol. Tivemos a capacidade de dominar o partido e de ir mellorando e collendo boas sensacións, que ao final é o importante”.

Cre o técnico deportivista que na segunda parte “fomos máis verticais en canto a xerar situacións de centro-lateral. Nos habemos ir a dous extremos puros coa entrada de Keko e William. Fas máis ancho o equipo e tes máis capacidade para atopar por dentro primeiro a miúdo e Miku; e logo a Noel e Yeremay”.

Con catro partidos disputados nesta pretemporada, ten a sensación “de mellora do equipo. É verdade que o outro día en Carballo o campo condiciona bastante todo. Tiñamos moi claro como queriamos o minutaje. Ao final tiñamos dous partidos na mesma semana, quixemos facer algunha cousiña diferente. E os dous primeiros partidos o nivel de esixencia fora menor. Pouquiño a pouco ímonos achegando ao que pode ser a realidade da competición. Quédannos tres semanas para empezar a competición e o equipo deu mostras do que queremos ser. Faltan por mellorar cousas pero aos poucos, que os xogadores entendan a idea do que queremos”.

Preguntado polo mercado, Borja Jiménez reitera que “necesitamos xogo por fóra. Pero é algo numérico. O que faga contas dos extremos que temos sabe que imos necesitar aí, sobre todo na fase ofensiva. A nivel defensivo dobramos postos en todos os lados da defensa, incluíndo a Trilli. E arriba estamos pendentes do que nos poida ofrecer o mercado sabendo que este ano é moi difícil, que está a custar porque hai equipos que teñen máis poder ou están a apostar moi forte por algúns xogadores. Nós estamos a valorar as posibles opcións de fichaxe sabendo moi claro o que queremos, cara a onde queremos ir, e que competimos con moitos máis equipos por tentar traer os mesmos xogadores”.

Preguntado polos canteiráns, lembra Borja Jiménez que se trata de “xente moi nova: Trilli, Noel, Yeremay, Alberto… Hai que ter paciencia. Non sería positivo por parte de ninguén cargarlles da responsabilidade do que supón o Deportivo. Pero están a facer as cousas ben. Teñen que mellorar porque con 18 anos teñen unha marxe de mellora moi ampla pero están a competir connosco no día a día e estamos contentos coa súa evolución. Estar a adestrar e competindo no primeiro equipo depende deles. Se teñen o nivel xogarán. É moi básico”.

-Foto, Texto e Vídeo : RC Deportivo