RIAZOR BLUES SOLICITA QUE NON SE CANTEN OS GOLES POLA MEGAFONÍA DO ESTADIO.

 

Son moitos durante os derradeiros anos que piden que o “speaker” do Estadio de Riazor non cante os goles ao máis puro estilo americano, co sistema de decir o nome completo, ou un dos nomes para que o púbrico repita, ou diga o segundo. Para algúns é unha maneira estética de celebrar os goles, para outros, corta a espontaneidade do intre tan especial como é celebrar o gol.

Ata o de agora, foron afeccionados soltos a maneira particular os que deixaban caer o seu malestar pola maneira de cantar os goles dende a megafonía, sobre todo porque tapa ca potencia de saida dos altavoces do recinto os berros de ledicia dos deportivista. Tamén hai que dicir que hai moitos afeccionados aos que lles gusta esta maneira moderna de celebrar os goles, como se fose a lectura do once titular nos prolegómenos do encontro, e hai outros aos que lles parece indiferente, ou que ca ledicia de cantar o gol, nen se fixan no que di o “speaker”. Para gustos píntanse cores, é dun dos primeiros refráns que aprndemos de nenos.

Dende a Peña Deportivista Riazor Blues, a “banda sonora de Riazor”, sen eles o estadio sería mudo,  infinitamente menos animador, fan un chamamento público o RC Deportivo para que : “permita á afección celebrar os goles e as vitorias do seu equipo de forma espontánea e orixinal, sen que a megafonía do estadio interrompa e silencie a expresión da bancada”.

-Foto : RC Deportivo

-Texto : piratasdemuxia/Riazor Blues