Aquí tes nun só artigo tódalas ligas da costa, ou que teñen equipos da costa, tanto de homes coma de mulleres, en cómodas táboas. Destacar nas cousas que se decedían nesta pasada fin de semana que na promoción de ascenso a División de honra de veteranos, pasaba o SCD Buño que empataba co SD Fisterra de Veteranos, (1-1), e facía valer o 4-0 da ida. No outro duelo estaba todo no ar xa que en Mazaricos empataran a ceros, (0-0), o CF Mazaricos e o SCD Malpica. Voltaron a empatar, 82-2), e tivo que irse os penaltis nos que o Mazaricos venceu por 3-4, pasando a ser a final polo ascenso : SCD Buño-CF Mazaricos. Xa vos iremos informando durante a semana cas crónicas dos encontros. Rematou a División de Honra de Veteranos e só faltaba por saber quen completaría o podio da liga co San Ramón de campión e Sporting Zas de subcampión. Finalmente foi o Dumbría que derrotaba ao Castriz, (2-0), e de paso axudaba a desvelar quen sería o equipo que descendería xunto co Oza e o Corcoesto. O Cabana que a semana pasada caía ante o que era colista, Corcoesto, poñíase nun apuro pois sacaba do descenso o Castriz para poñerse eles. Tiñan que gañar, desta volta ante o novo colista, Oza, e fixérono, (1-4), pero tiña que perder o Castriz, e perdeu. Todo se lle deu os cabaneses que salvaron o partido na derradeira bola.

-Foto : Luis González Botas

-Texto e montaxes . Xosé Búa “Pirata”