Quique González igualou a sua mellor marca de 16 goles.

ROLDA DE PRENSA

Quique González igualou a sua mellor marca de 16 goles.

 

-Quique González : “É un partido moi importante e hai que deixarse a vida en Lugo. Só pensamos en conseguir estes tres puntos que son claves”-

 

Quique González, falou na entrega do seu segundo galardón “Estrella de Galicia” como mellor xogador do mes e non se andivo con paliativos sobre o encontros do vindeiro Domingo ante o CD Lugo no “Ánxo Carro”, (e non Ángel Carro como se empeña en chamar un medio de comunicación coruñés), a partires das 20:00 horas, (18:00 GMT) : “É un partido moi importante e hai que deixarse a vida en Lugo. Só pensamos en conseguir estes tres puntos que son claves e non podemos estar pendentes do que fan os nosos rivais porque se che descentras, a cagas”. Máis de 1.300 deportivistas estaremos no campo lugués, (porque non había máis entradas senón seríamos moitos máis).

 

ROLDA DE PRENSA DE QUIQUE GONZÁLEZ
(Por : rcdeportivo.com)

Quique González, após recoller o Premio Estrella Galicia ao mellor xogador do mes de abril, manifestou aos medios de comunicación que “hai que deixarse a vida” no Anxo Carro de Lugo este domingo 19 de maio (20:00 horas, LaLiga 1|2|3 TV).

 

O dianteiro deportivista define o choque, “máis que derbi, un partido no que son clave os 3 puntos. Traballaremos desde hoxe niso”.

 

Ante a situación clasificatoria, co equipo agora mesmo fóra dos postos de play off de ascenso, pide “gañar nós e a partir de aí o resto faga o que queira. É verdade que agora non dependes de ti”. “Cando estás pendente do resto e non estás pendente de ti, ao final a cagas. Centrarse nun mesmo. Sabemos que somos bos, que facendo as cousas ben estamos preto de gañar. Sabemos que é moi difícil gañarnos. E a partir de aí a ver que fan os rivais”, engade.

 

Insiste en que, máis aló de que o partido sexa en ABANCA-RIAZOR ou fóra, “o único que hai que pensar é en gañar, gañar 3 puntos. Mentalidade de 3 puntos. Só hai que pensar niso”.

 

Do rival, o CD Lugo, recoñece que chega necesitado: “Eles loitando polo seu, nós polo noso. Sabemos que facendo as cousas como o outro día, estaremos máis preto da vitoria”.

 

Defíneo como un conxunto que “xoga ben ao fútbol, marca moitos goles ultimamente. Esperemos estar xuntos, axudándonos en todo momento. Ao final o partido é moi longo. Deixando a meta a cero, nós imos ter ocasións”.

 

É consciente ademais o vestiario da presenza de moito deportivista nas bancadas do estadio lucense: “Sabemos da afección que temos. É un desprazamento curto. Sabemos que van estar aí. O que queremos é darlles unha vitoria”.

 

A nivel individual móstrase satisfeito cos seus goles: “Un sempre quere facer o mellor posible o seu fútbol. Para facer goles, hai que facer outras moitas cousas máis. Como esteas focalizado só no gol, iso é presión, iso é equivocarte. Cando un traballa ben durante toda a semana, o gol chega”.

 

+++++++++++++++++++++++

-Se queres mandarnos algunha información e fotos de deportes, podes facelo no correo : info@piratasdemuxia.es–

-Debaixo das publicidades tes como contactar connosco
se queres axudarnos poñendo a túa-

-COLABORA COA NOSA WEB-

Queres que a tua publicidade salga en todas as nosas noticias?…

Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.

Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.

Consúltanos que tipo de publicidade queres, por un ano cobramos moito menos ca outras webs, radios ou xornais de menor seguimento.