No día de hoxe, despois da presentación, os monitores propuxeron xogos con e sen balón, profundizaron no quecemento e, despois da merenda, os rapaces pasaron a realizar tareas de técnica (control, conducción, pase e tiro) e remataron con xogos lúdicos (brilé, pañueo, pilla-pilla e cadea).

Mañá, ademais de fútbol, tócalles baloncesto, e fútbol sala, no pavillón municipal de deportes.

Javier Míguez sexta renovación do 1º equipo

Javier Míguez Fonticoba (9/11/1995) convértese na sexta renovación do Laracha para a tempada 2022/23, na que o primeiro equipo competirá en Primeira Galicia.

Míguez incorporouse á disciplina do Laracha Club de Fútbol no verán de 2020. O porteiro sadense formado nas categorías inferiores do Deportivo e do Montañeiros, entre outros clubs, ten experiencia en Preferente Autonómica en catro equipos: o Sporting Sada, o Galicia Mugardos, o Betanzos e o propio Laracha, no que xogou as dúas últimas campañas.

O gardameta sadense de 26 anos disputou como titular os primeiros 22 partidos da pasada tempada co Laracha ás ordes de Alejandro Álvarez e sendo substituído só en dous deles, dous choques #ante o pechacancelas Estudantil. É un porteiro de máximas garantías para afrontar o novo curso en Primeira Galicia.

-Fotos e Texto : Comunicación Laracha CF