PREVIA : O DEPORTIVO LICEO XOGA HOXE O SEU SEGUNDO ENCONTRO DA OK LIGA CON PÚBRICO NO PALACIO DE DEPORTES DE RIAZOR.

 

Como se adoita dicir, “a seguir”. A OK Liga non para, pero esta segunda xornada de competición non será unha calquera. Por primeira vez desde o 3 de marzo, Juan Copa e os seus xogadores collerán o stick ante o público do Palacio dos Deportes. O rival, por cousas do destino, será o mesmo: o Club Patí Taradell. Hoxe venres 2 de outubro ás 20:45 h.
O aforo do Palacio estará limitado a tan só 300 persoas, pero os seus alentos e as ganas do Liceo non serán os mesmos de sempre. “Traballamos e xogamos por e para eles”, valorou o técnico liceísta no penúltimo adestramento da semana. Estas dúas bazas, unidas ao bo xogo mostrado na vitoria por 0-4 ante o Igualada, serán as que utilizará o equipo coruñés na súa busca pola segunda consecutiva e o 6 de 6 en puntaje.
Copa mostrouse contento tanto nos momentos posteriores ao triunfo en Cataluña como na previa desta segunda xornada de OK Liga: “Fixemos un partido serio, moi traballado. Custounos abrilo, pero traballamos ben e fomos moi sólidos”, declarou a Hóckey Global.
O Taradell, un rival que xa sabe como amargar ao Liceo Se o Liceo xa conseguiu vencer naquel último partido do 3 de marzo (8-2), tamén pode facelo agora. Para iso, Juan Copa irá con todo: o aínda imbatido Carles Grau, os xa goleadores Maxi Oruste, Jordi Adroher, Marc Grau e Franco Platero; César Carballeira, Martín Rodríguez, Roberto Dei Benedetto e o capitán Dava Torres. De todas as maneiras, non será unha empresa fácil, posto que o Taradell é outro dos equipos que saíron vitoriosos da xornada inaugural.
O triunfo ante o Lloret (3-2) deu ás a Ferran Moreno e aos seus xogadores, que o curso pasado encargáronse de pór fin a unha serie de 10 vitorias consecutivas do Liceo. Esta vez procurarán deter o seu ilusionante inicio de tempada. Farano con homes en refacho como Marçal Casadevall, Daniel Rodríguez e Víctor Crespo, autores dos tres tantos endosados ao Lloret. Danse todos os condicionantes para converter a este partido nunha cita especial, desas que se lembren.
 
300 socios no Palacio dos Deportes de Riazor
Tras presentar un protocolo de actuación ás autoridades sanitarias da Xunta de Galicia, o DEPORTIVO LICEO pode confirmar que o aforo máximo permitido no Palacio dos Deportes para o choque #ante o CP Taradell (venres 2 de outubro, 20:45 h) será de 300 persoas.
Estas 300 persoas serán seleccionadas a través dun criterio único: a antigüidade dos socios que envíen un correo electrónico a administracion@hockeyclubliceo.com de 9:00 h a 21:00 h do 30 de setembro. Deberán facilitarse nome, apelidos, DNI e número de móbil dos interesados. De maneira excepcional, tamén se poderá solicitar a asistencia a través do seguinte número de teléfono: 981 131 451 (de 17:00 h a 21:00 h do 30 de setembro).
Ademais, teranse en conta dúas variantes para realizar esta criba de forma máis xusta e responsable:
-Aos portadores dun carné familiar, que engloba a un máximo de catro socios, só permitiráselles a entrada de dúas desas persoas.
-Os socios que non entren na criba de 300 asistentes ao choque ante o Taradell terán prioridade en próximos partidos. –
-Os socios elixidos recibirán ao longo do xoves 1 de outubro (vía WhatsApp) a información sobre a hora na que deberán acceder ao Palacio dos Deportes e a porta pola que o deberán facer.
O Deportivo Liceo segue traballando para que este número sexa maior en futuros compromisos, sempre baixo as condicións que permitan un exercicio responsable coas circunstancias sanitarias actuais.
Todo aquel que non poida entrar entre os 300 elixidos para vela en directo si será capaz de facelo a través da plataforma HOCKEY GLOBAL.
-Foto e Texto : Deportivo Liceo