PREVIA DA VOLTA DE SEMIFINAIS DO PLAY-OFF DE ASCENSO A LIGA DA COSTA : “CAMELLE, ZAS, BUÑO E LAXE A POLOS DOUS SITIOS NA GRAN FINAL”.

 

Este Domingo 16 de Abril retómase, tralo parón de Semana Santa, a loita polo ascenso a Liga da Costa, (2ª Galicia Grupo 2). Buño, Camelle, Zas e Laxe buscarán dous posto na final. Na ida en Zas, zacenses e camelláns empataban a uns, (1-1), namentras que en Laxe, os laxenses derrotaban por 3-1 aos oleiros. Polo tanto non hai nada decidido, xa que os rersultados antre estes equipos en liga así o dín. O bo tempo está asegurado pois trala borrasca que nos acompaña estes días o tempo rolará a nordés, e o Domingo pola mañán en Buño terán calma finada, e pola tarde en Camelle haberá un nordés froxo, que por outra banda fará que o campo non esté tan brando despois das chuvias que vimos soportando por zonas.

Aquí vos traemos unha análise previa aos encontros da volta desta promoción de ascenso, e o desexo de que se vexan dous bos espectaculos, que reine a paz e que gañen os mellores.

 

SCD Buño-SD Laxe

Campo : Xabiña

Hora : 12:00

Árbitro : Manuel Rodríguez Rojo

Resultado na ida : 3-1 para o Laxe

Resultados antre eles en liga : 2-4 en Laxe e 0-1 en Buño

Datos na liga SD Laxe : 41 puntos de 15 gañados, 6 empatados e 5 perdidos

Datos na liga SCD Buño :  51 puntos de 12 gañados, 5 empatados e 9 perdidos

Goles a favor e encontra SD Laxe : 50/45

Goles a favor e encontra SCD Buño : 60/35

Datos como local  SCD Buño :  9 gañados, 2 empatados e 2 perdidos

Datos como visitante SD Laxe : 7 gañados, 1 empatados e 5 perdidos

Máximo goleador SCD Buño en liga : Eloy Suárez con 12 en 25 encontros

Máximo goleador SD Laxe en liga : Iago Torres con 14 en 25 encontros.

 

Así ven os adestradores o encontro e o rival

José Antonio Carabel, (Adestrador do SCD Buño) : “O partido do domingo vai ser moi especial para nós, xa que imos afrontalo con moitas ganas despois dun resultado adverso no partido de ida. Espero un partido complicado contra un rival de moito nivel. Os xogadores están entrenando moi ben e esperan ter a sua revancha. Necesitamos gañar e creo que no noso campo e ca nosa xente podemos conseguilo”.

Eliseo Rama “Lilo”, (Adestrador do SD Laxe) : “Campo e rival superior cómo local, con profundidade de banquillo. Moi traballado tácticamente, e con moita variedade en estratexia a balón parado. O campo prestase para que o partido se rompa e sexa un ida e volta para calquera dos equipos. Os primeiros minutos de cada parte van ser claves, e temos que ofrecer nós orden, disciplina e actitude. Témos qué ser bloque compacto e gañar en silencio porque quén ten qué arriscar e o equipo local, e nós tampouco nos temos que pechar atrás polas condicións do campo, e do medio campo hacia arriba teño moita confianza nos meus. Con concentración sacamos calquera partido adiante e polos últimos resultados estámos nesa fase”.

 

SD Camelle-Sporting Zas

Campo : O Rodeiro

Hora : 17:15

Árbitro : Carlos Señarís Balsas

Resultados da ida : 1-1 en Zas

Resultados antre eles en liga : 1-1 en Zas e 4-3 en Camelle

Datos na liga Sporting Zas : 43 puntos de 12 gañados, 7 empatados e 7 perdidos

Datos na liga SD Camelle :  46 puntos de 13 gañados, 7 empatados e 6 perdidos

Goles a favor e encontra Sporting Zas : 62/43

Goles a favor e encontra SD Camelle : 58/40

Datos como local SD Camelle : 7 gañados, 4 empatados e 3 perdidos

Datos como visitante  Sporting Zas :  6 gañados, 3 empatados e 4 perdidos

Máximo goleador en liga Sporting Zas : Dani Mato con 14, (5 p), en 20 encontros.

Máximo goleador en liga SD Camelle : Adrián Pasantes con 13, (1 p), en 18 encontros

 

Así ven os adestradores o encontro e o rival

Sergio “Crejo”, (Adestrador do SD Camelle) : “Penso que vai ser un partido igualado, como os xogados anteriormente, nos temos a vantaxe do campo e eles o xogo do balón. E nada que gañe o que meta máis goles, disfrutar do momento gañemos ou perdamos, que non haxa nengún lesionado, e que a afección disfrute do partido”.

Martín Vecino, (Adestrador do Sporting Zas) : “Cando nos chegue o seu comentario poñerémolo aquí“.

 

-Foto e Texto : Xosé Búa “Pirata”