PRESENTACIÓN DO “75º TERESA HERRERA” E DO “VIII TERESA HERRERA FEMININO”.

 

O Dépor, un Combinado do Fútbol Afeccionado Coruñés e o Victoria CF devolverán ás súas orixes ao Trofeo Teresa Herrera no seu 75 aniversario. Manterán viva a chama do trofeo amigable máis antigo do mundo, que regresará á súa esencia nunha inusual LXXV Edición que terá lugar no Estadio ABANCA-RIAZOR o vindeiro domingo 20 de decembro a partir das 12:00 horas co partido masculino e ás 16:30 horas coa VIII Edición feminina.

O Real Club Deportivo e o Concello da Coruña uníronse unha vez máis para, nun notable esforzo, organizar o decano dos trofeos amigables a pesar da pandemia mundial que estamos a padecer. Tanto o Real Club Deportivo como o Concello da Coruña consideraron indispensable organizar o torneo dentro deste ano 2020 a pesar das adversas condicións xerais. Como sinalou o presidente Fernando Vidal na presentación, durante todo o ano ambas as entidades buscaron rivais e datas para celebrar o trofeo, manténdose conversacións cos principais clubs españois que manifestaron a súa predisposición a xogar esta edición tan especial, pero a COVID deixou sen datas o calendario e os equipos non disputaron partidos de pretemporada. Tampouco se puido contar con equipos estranxeiros polas dificultades para os desprazamentos e mesmo coa axuda da RFGF chegouse a valorar disputalo contra un combinado de xogadores galegos, pero tampouco foi posible polos protocolos dos clubs profesionais, que non poden ceder aos seus xogadores dada a situación actual.

Como circunstancia especial, este ano tampouco haberá Torre de Hércules para ao vencedor, como vén sucedendo desde que o símbolo da cidade converteuse no premio ao gañador fai agora medio século. O diñeiro investido habitualmente na fabricación dos diferentes trofeos será destinado a obras benéficas. Deste xeito, Real Club Deportivo e Concello da Coruña devolven o Trofeo Teresa Herrera ás súas orixes. O decano foi creado precisamente con obxecto de recadar fondos para a Xunta de Beneficencia do consistorio coruñés, que durante moitos anos dotou de novos servizos e maquinaria aos hospitais da Coruña grazas ao superávit do torneo.

A participación dun Combinado do Fútbol Afeccionado Coruñés tamén responde a criterios históricos. A partir da instauración do trofeo en agosto, os clubs modestos coruñeses comezaron a xogar un papel importante na súa organización, pois canalizaban a venda de abonos cos clásicos bonos canxeables. Durante as décadas seguintes, o fútbol modesto coruñés levaba parte dos beneficios do torneo, polo que en boa medida subsistiu e deu a oportunidade de xogar ao fútbol a miles de nenos grazas ao Trofeo Teresa Herrera que este mes de decembro celebrarase, como desde 75 anos de forma ininterrompida, sobre o céspede do Estadio Municipal ABANCA-RIAZOR.

Falamos do decano dos trofeos amigables, e non de verán ou de pretemporada, porque o Trofeo Teresa Herrera non se disputou sempre no verán ou pretemporada, posto que en diversas ocasións, sobre todo nas súas primeiras décadas de existencia, celebrouse a finais de maio ou principios de xuño, ao final da campaña de competicións. Non foi até a XXVIII Edición, en 1973, cando empezou a celebrarse regularmente en agosto. Desde entón, só en 2018 deixou de disputarse no oitavo mes do ano debido ás obras de reforma da cuberta do Estadio ABANCA-RIAZOR. O Teresa Herrera, cuxa primeira edición tivo lugar o 30 de xuño de 1946, é o trofeo non oficial de fútbol máis antigo do mundo con carácter anual, polo que a cidade e o seu club máis representativo quixeron facer todo o posible para conservar tal distinción. Aínda que en Burton upon Trent (Inglaterra) aínda se xoga o Bass Charity Vase, creado en 1890 cun transfondo benéfico similar ao do Teresa Herrera, este deixou de celebrarse en 1916, 1917, 1920, 1921, 1922, 1963, 1970, 1975, 1976, 2012, 2015 e 2020. Por tanto, non hai trofeo amigable no mundo que se dispute ininterrompidamente desde hai tantos anos como o Teresa Herrera. E así seguirá sendo a pesar deste dramático ano que lle está tocando vivir a toda a sociedade a nivel mundial.

 

 

-Foto. Vídeo e Texto : RC Deportivo


Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies