PRESENTACIÓN DE DANIEL BACHMANN “SÍNTOME LISTO PARA XOGAR”.

Daniel Bachmann, porteiro austriaco nado en 1994, fichou polo Deportivo de A Coruña en calidade de cedido desde o Watford, incluíndo unha opción de compra ao final da tempada.
Chega para cubrir a saída de Helton Leite, que se incorporou ao Fortaleza tras pagarse a súa cláusula de rescisión.
Con 31 anos, acumula ampla experiencia no fútbol inglés: xogou 139 partidos co Watford (117 na Championship e 12 na Premier League) e estivo tamén no Kilmarnock escocés.

A decisión de fichar polo Dépor foi moi rápida, a pesar de estar a familia (muller e fillos) en Inglaterra. De pequeno consideraba ao Dépor “un dos grandes de Europa”.
Subliñou as súas virtudes como porteiro: recoñecido na Championship por deter disparos, gustaríalle xogar adiantado, controlar o xogo dende atrás e sentirse forte na súa área.
Indicou que, tras un verán atípico, xa realizou a pretemporada co Watford e leva dúas semanas co equipo coruñés, polo que se sente listo para xogar.
Tivo un papel importante tamén no vestiario: di sentirse líder, con experiencia como capitán no Watford, e disposto a motivar especialmente aos xogadores máis novos.
Sobre o idioma, recorda que estivo oito anos nun ambiente internacional no Watford, onde xogaban moitos españois, polo que domina algo de español e confía en adaptarse sen problema.

Chega para competir coa titularidade con Germán Parreño, e tamén con Eric Puerto.
O director deportivo, Fernando Soriano, asegurou que se traballou con varias opcións para a portaría, e Bachmann foi a escollida.

Porteiro alto, de 1,91 m, coas habilidades para deter penaltis e salientable presenza aérea.
Caracterízase por saír da área para cortar contragolpes e comunicarse constantemente coa defensa, o que tamén se valorou como útil para os esquemas tácticos de Antonio Hidalgo.
Aínda que destaca pola súa capacidade defensiva e arroxo físico, o xogo co pé non é o seu forte: prefire construír en curto co centro da defensa para evitar compromisos.

Daniel Bachmann chega como un reforzo con experiencia, personalidade e ambición para axudar ao Depor a retornar á Primeira División.
A súa capacidade de liderazgo, dominio da área e velocidade de reacción, unidos á súa adaptación lingüística e mentalidade competitiva, reforzan as posibles opcións blanquiazuis de cara a lograr o ascenso.

-Foto e vídeo : RC Deportivo

-Texto : Xosé Búa “Pirata”