PREFERENTE NORTE
33ª Xornada
Domingo 10/05/2026
Os partidos dos equipos da Costa:
SD Sofán 0-3 Puebla FC
Cidade de Ribeira CF 1-3 CF Dumbría
Clasificación : PREME AQUÍ
.
Na Preferente Norte todo queda por decidir para a derradeira xornada, pero o CF Dumbría deu un paso de xigante cara á permanencia cun triunfo de ouro en Ribeira, mentres que o SD Sofán quedou sen opcións de pelexar pola promoción tras unha dura derrota.
Cidade de Ribeira CF 1-3 CF Dumbría
O Dumbría asaltou un campo complicadísimo e sumou tres puntos vitais ante un rival directo nun encontro no que brillou con luz propia Diego Estévez. O dianteiro abriu o marcador no minuto 21 e ampliou distancias apenas seis minutos despois transformando un penalti. Co 0-2, os de Dumbría controlaron boa parte do choque, aínda que o Cidade de Ribeira apertou no tramo final reducindo diferenzas por medio de Felipe no 79’. A incerteza durou apenas un minuto, porque novamente Diego Estévez apareceu para completar o seu hat-trick particular e sentenciar o duelo co definitivo 1-3.
Con esta vitoria, o Dumbría afrontará a última xornada dependendo de si mesmo e situado dous puntos por riba da zona de descenso. O equipo da Costa xogará no Conco ante o Sigüeiro, precisamente outro dos conxuntos implicados nunha zona baixa que vai botar lume ata o último minuto da competición, xa que ambos chegan empatados a 40 puntos.
Goles :
0-1, Diego Estévez (21’)
0-2, Diego Estévez, de penalti (27’)
1-2, Felipe (79’)
1-3, Diego Estévez (80’)
………………………………………………………………………………………………………………………………………
SD Sofán 0-3 Puebla FC
Pola súa banda, o Sofán despedíuse practicamente do soño da promoción tras caer con claridade nun encontro no que o rival golpeou en momentos clave. Alberto abriu o marcador ao bordo do descanso desde o punto de penalti, Fidalgo ampliou vantaxe no inicio da segunda metade e Torrado puxo a sentencia definitiva no minuto 74. Un resultado demasiado duro para os de Sofán, que xa non terán opcións de meterse na pelexa polo ascenso na última xornada.
Goles :
0-1, Alberto, de penalti (45’)
0-2, Fidalgo (54’)
0-3, Torrado (74’).
,
PREFERENTE NORTE
34ª Xornada, (Derradeira)
Domingo 17/05/2026
Os partidos dos equipos da Costa:
Cultural Maniños – SD Sofán
CF Dumbría – Sigüeiro FC, ás 18:00
Clasificación : PREME AQUÍ
.
-Fotos : Manel Sánchez
-Texto e montaxe : Xosé Búa “Pirata”