PREFERENTE GALICIA
-LIGA AUTONÓMICA-
Ana Mouzo fixo dous dos goles fisoberistas.
RIBEIRO DO AVIA FC 5-6 FISOBER FSF
RIBEIRO: Paula, Inés, Lucía, Paula Pereiro, Nerea. Tamén xogaron: Lucía Puga, Aldara, Nair.
FISOBER: Sharay, Paula Fandiño, Ana, Carre, Saray. Tamén xogaron: Claudia, Adriana, Uxía.
ÁRBITROS: Óscar Gulin, Julio Fernández.
GOLES: 1-0 min 1 Paula Pereiro, 2-0 min 2 Inés, 2-1 min 12 Uxía, 3-1 min 19 Inés, ( descanso), 3-2 min 24 Saray, 3-3 min 27 Ana, 3-4 min 28 Ana, 4-4 min 29 Nair, 4-5 min 31 Uxía, 4-6 min 36 Adriana, 5-6 min 39 Nair.
INCIDENCIAS : Partido correspondente a 24ª xornada de liga na Liga Autonómica-Preferente Galicia disputado na mañán do domingo no PM Ribadavia.
O equipo costeiro deulle a volta a un marcador de 3-1.
O Fisober acadou un importante triunfo despois de iniciar novamente cun dous cero en contra, pero foi quen de levarse os tres puntos cara a Costa.
Non puido iniciar de peor forma o partido para o Fisober xa que en dous minutos xa ía con dous goles en contra obra de Paula Pereiro e Inés.
Tentou desperezarse algo o cadro costeiro cun tiro de Paula Fandiño e cunha ocasión para Ana.
Despois un roubo de Saray para Carre case ten resultados. Sorprendían de vez en cando as locais co xogo de cinco e poñían en apuros a Sharay.
Unha combinación entre Paula Fandiño e Adriana remata cun balón no pau. Despois era Ana quen case sorprende a porteira cun tiro exterior.
Mediada esta primeira metade un roubo e posterior contra remata co gol de Uxía para o dous a un.
Pouco despois era Carre a que case anota a igualada. Tamén o intentaba Saray cun lanzamento ao pau. E de novo a mesma Saray tras pase de Paula Fandiño.
Pero cando íamos chegar ao tempo de lecer e despois dunha ocasión de Ana a contra remata co terceiro gol local obra de Inés.
A volta dos vestiarios o partido era un ida e volta. E nesas un envío de Sharay dende a portería para Saray remata co gol desta para recurtar distancias.
As locais quixeron respostar ao gol pero apareceu Sharay con dúas boas intervencións.
Quen si marcou foi o Fisober cun tiro exterior de Ana que petou nunha xogadora local e supuxo o empate a tres.
E case sen respiro Ana era a máis lista da clase para facer o tres a catro para as costeiras.
O partido estaba tolo as locais salen co xogo de cinco e marcan por mediación de Nair para o catro a catro.
O Ribeiro poñía en perigo novamente a Sharay, pero quen golpeaba era o Fisober cun pase de Carre para Uxía para poñer de novo en vantaxe as costeiras.
As locais seguían co xogo de cinco e un roubo de Adriana case remata en gol. Quen pouco despois non desperdiciou outro roubo para poñer o catro a seis.
Unha Adriana que tivo o sétimo a pase de Uxía pero non acertou.
Quenes si acertaron foron as locais no último minuto co definitivo cinco a seis obra de Nair.
A vindeira semana chega o Terra de Celanova a Dumbría.
-Foto e Texto : Fisober FSF/Luis Sambad