PREFERENTE FUTGAL FEMININA
-29ª Xornada-
Fisober FSF 2-5 Viaxes Amarelle FSF
Fisober FSF: Sharay, Paula, Sabela, Kenny, Saray Duarte.
Tamén xogaron: Carla Beiro e Lara.
Viaxes Amarelle FSF: Andrea, Laura, María, Elba e Daryna.
Tamén participaron: Sofía, Lucía Yu e Sila.
Árbitras: Aya Fathallah Arssalane e Alba María Castillo de Faria.
CRÓNICA
O Fisober puxo o punto e final á súa participación ligueira esta temporada cun encontro disputado na tarde do sábado nas IDM O Conco fronte ao Viaxes Amarelle FSF. As costeiras despediron o curso diante da súa afección nun choque no que o marcador acabou favorecendo ao conxunto visitante por 2-5.
Máis alá do resultado, o partido serviu para pechar unha campaña moi positiva para o cadro muxián, que logrou cumprir o principal obxectivo da permanencia con varias xornadas de antelación. O gran rendemento ofrecido durante a segunda metade da competición permitiu ás xogadoras afrontar este tramo final con tranquilidade, despois dunha reacción sobresaliente no campionato.
O equipo volve demostrar o potencial dun proxecto baseado na xuventude e no compromiso colectivo. A pesar das dificultades ao longo da temporada, cun plantel curto e condicionado polas baixas, o grupo soubo competir en todo momento e remata o ano deixando sensacións moi esperanzadoras de cara ao futuro.
.
-Fotos e información : Prensa Fisober FSF
-Texto e montaxe : Xosé Búa “Pirata”