PREFERENTE FUTGAL FEMININA
22ª Xornada
Lago Sport 1-2 Fisober FSF
Lago Sport: Nerea, Inés, Laura García, Andrea Montero, Patricia; tamén xogaron : Andrea Cruz, Laura Fernández e Sara.
Fisober FSF: Sharay, Paula, Carla Lago, Kenny, Saray Duarte; tamén participaron : Ana, Carla Beiro e Sabela.
Árbitros: Manuel Castro Fernández e Xavier Rey Feal.
Goles:
1-0 Laura (19´)
1-1 Ana (22´)
1-2 Kenny (26´)
Crónica
O encontro disputouse na tarde-noite do sábado no Pavillón Municipal das Pontes, ata onde chegaba o Fisober nunha situación relativamente cómoda na clasificación, pero consciente de que unha derrota podería dar vida a un rival directo e achegalo novamente á loita polo descenso.
A primeira metade estivo marcada pola igualdade e polas ocasións para ambos conxuntos, cunha destacada actuación de Sharay baixo paus, clave para manter o empate durante moitos minutos. Porén, as locais lograron adiantarse no marcador no tramo final do primeiro tempo.
Lonxe de acusar o golpe, o conxunto costeiro amosou a competitividade que o está a levar cara á permanencia. Primeiro, cunha boa xogada culminada pola eterna capitá Ana, chegou o empate; pouco despois, Kenny completaba a remontada cun novo tanto que resultaría definitivo.
O marcador xa non se movería ata o asubío final, certificando unha vitoria de enorme valor que supón un paso moi importante cara á salvación. Aínda que non é matemática, a permanencia está agora máis preto ca nunca.
Clasificación
O equipo fisoberista chega aos 30 puntos e ocupa unha bastante cómoda 9ª posición tras esta importantísima vitoria ante un rival que podía apretar as cousas a falla de ainda 9 xornadas para o final.
Vindeira xornada
O Fisober FSF recibirá na 23ª xornada ao 5 Coruña FS en Dumbría a vindeira fin de semana.
.
-Información e foto : Prensa Fisober FSF
-Montaxe e texto : Xosé Búa “Pirata”