PREFERENTE FUTGAL
16ª Xornada
ATLÉTICO ARNOIA 12-1 FISOBER FSF
ATLÉTICO ARNOIA: Rosa María, Vanessa, Andrea Dapia, Sandra, Paloma Eugenia; tamén xogaron Nerea Gil, Andrea Mosquera, Eva María, Nuria, Susana e Nerea Vázquez.
FISOBER FSF: Sharay, Paula, Ana, Kenny, Saray Duarte; tamén participaron Sabela, Carla Beiro e Lara.
ÁRBITROS: Eduardo Azevedo Moreira de Sousa e Rocío Vélez Tercero.
GOLES:
1-0 (1’), 2-0 (4’), 3-0 (5’), 4-0 (9’), 5-0 (12’),
5-1 Saray Duarte (14’),
6-1 (16’), 7-1 (18’),
8-1 (29’), 9-1 (31’), 10-1 (36’), 11-1 (37’), 12-1 (38’).
Partido disputado na noite do venres no Pavillón Municipal A Queixeira de Arnoia, correspondente á xornada 16 da Preferente FUTGAL e que fora aprazado no seu día pola alerta vermella decretada pola Federación Galega.
A visita á pista do Atlético Arnoia, líder invicto da categoría, servía para cumprir o trámite de recuperar unha xornada atrasada ante un rival que conta os seus partidos por vitorias, tanto como local como a domicilio. O encontro quedou resolto moi cedo, cun ritmo alto das locais que marcou diferenzas desde os primeiros minutos.
As costeiras, representadas, conseguiron regresar sen baixas a pesar do contratempo sufrido por Ana durante o quecemento, que lle impediu disputar minutos co obxectivo de chegar en condicións ao seguinte compromiso da fin de semana. Ademais, o equipo contou coa sensible ausencia de Carla Lago, aínda con molestias no xeonllo que non remiten.
Como notas positivas da noite, destaca o gol anotado por Saray Duarte, que continúa sumando nunha boa tempada a nivel goleador, así como a estrea da nova equipación.
Vindeiro encontro
O seguinte compromiso do Fisober terá lugar o domingo 01/02 ás 11:00 horas en Dumbría, onde se medirá ao filial do Poio FS.
Estrea de nova equipación
Desde o club fisoberista quérese agradecer a LUSCOFUSCO o seu patrocinio, grazas ao cal foi posible estrear nova equipación para os partidos como visitantes.
.
-Foto e información : Prensa Fisober FSF
-Texto : Xosé Búa “Pirata”