O campo municipal As Redondas, en Cánduas (Cabana de Bergantiños), volveu converterse durante toda a fin de semana nun dos grandes epicentros do fútbol base galego coa celebración do “XVI Torneo de Fútbol Base do Cabana SD”, unha cita que ano tras ano continúa gañando prestixio xa consolidado como unha das máis importantes do calendario deportivo estival galego.

O torneo unha vez máis reuneu a decenas de equipos de diferentes puntos de Galicia nas categorías alevín, benxamín, infantil e cadete, ofrecendo dous días de competición de gran nivel nos que non faltaron a emoción, a deportividade e un extraordinario ambiente nas bancadas.

Unha vez máis, o Cabana SD demostrou a súa capacidade organizativa, tanto no apartado deportivo como no lúdico, facendo posible que centos de xogadores, familias e afeccionados desfrutasen dunha auténtica festa do fútbol base.

Sábado 27 de xuño

-Alevíns-

Participaron doce equipos distribuídos en catro grupos.

Grupo A: Cabana SD, Soneira SD e Hércules FS.

Grupo B: UD Cerqueda, SD Coristanco e CF Muxía.

Grupo C: SD Laxe, UC Cee e Ponteceso SD.

Grupo D: Luis Calvo, Silva SD e Sporting Meicende.

O Cabana SD, a UD Cerqueda, o SD Laxe e o Luis Calvo finalizaron como primeiros de grupo, aínda que tamén accederon ás semifinais os mellores segundos.

Semifinais

Cabana SD 3-0 SD Laxe.

Soneira SD 0-9 Luis Calvo.

Terceiro e cuarto posto

SD Laxe 6-1 Soneira SD.

Final

Cabana SD 0-2 Luis Calvo.

O Luis Calvo proclamouse campión da categoría alevín tras superar ao anfitrión nunha final moi disputada.

 -Cadetes-

Na categoría cadete participaron tamén doce equipos.

Grupo 1: Cabana SD, Corme CF e Sporting Meicende.

Grupo 2: UD Cerqueda, Silva SD e Laxe SD.

Grupo 3: Bergantiños CF A, Coruña Arboco e SD Sofán.

Grupo 4: UC Cee, Ponteceso SD e Bergantiños CF B.

O Bergantiños CF A foi o equipo máis destacado da fase de grupos, chegando ás eliminatorias sen encaixar ningún gol.

Semifinais

Cabana SD 1-2 Bergantiños CF A.

UD Cerqueda 2-3 UC Cee.

Terceiro e cuarto posto

Cabana SD 2-1 UD Cerqueda.

Final

Bergantiños CF A 3-1 UC Cee.

O conxunto carballés confirmou o seu gran torneo levantando o título cadete.

Domingo 28

-Benxamíns-

A categoría benxamín contou con doce equipos repartidos en catro grupos.

Grupo A: Hércules FS, Cabana SD e Ponteceso SD.

Grupo B: Xuventude Laracha, UD Cerqueda e Silva SD.

Grupo C: EMF Carnota, SD Laxe e SD Coristanco.

Grupo D: UC Cee, Luis Calvo A e Compañía de María.

A fase inicial deixou unha competición moi igualada, con Hércules FS, Xuventude Laracha, EMF Carnota e UC Cee como primeiros de grupo.

Semifinais

Hércules FS 0-2 Luis Calvo A.

Cabana SD 0-6 UC Cee.

Terceiro e cuarto posto

Hércules FS 5-0 Cabana SD.

Final

Luis Calvo A 3-0 UC Cee.

O Luis Calvo A conquistou o título benxamín tras completar un excelente torneo.

Domingo 28

-Infantís-

Na categoría infantil participaron doce equipos.

Grupo 1: UD Cerqueda, Bergantiños CF A e Ponteceso SD.

Grupo 2: Hércules FS, UC Cee e SD Sofán.

Grupo 3: EMF Carnota, Cabana SD e Coruña Arboco.

Grupo 4: Silva SD, Bergantiños CF B e SD Coristanco.

A fase de grupos estivo marcada polo dominio da UD Cerqueda, Hércules FS, EMF Carnota e Silva SD, aínda que as eliminatorias deixaron varias sorpresas.

Semifinais

UC Cee 2-1 EMF Carnota.

Bergantiños CF A 6-0 Cabana SD.

Terceiro e cuarto posto

EMF Carnota 5-3 Cabana SD.

Final

UC Cee 2-1 Bergantiños CF A.

A UC Cee acabou proclamándose campioa tras impoñerse nunha final moi competida ao Bergantiños.

Un torneo plenamente consolidado

A décimo sexta edición volveu demostrar que o Torneo de Fútbol Base do Cabana SD é unha das grandes referencias do fútbol formativo en Galicia. O excelente nivel competitivo dos equipos participantes, a gran afluencia de público durante as dúas xornadas e a impecable organización do Cabana SD, tanto no aspecto deportivo como no lúdico, converteron novamente As Redondas nun escenario de convivencia, deporte e formación.

Máis aló dos resultados, o torneo confirmou o extraordinario traballo que realiza o club cabanés coa súa canteira, completado cunha cita que xa forma parte do calendario imprescindible do fútbol base galego e que cada verán reúne a algunhas das mellores escolas e clubs da contorna.

–

-Fotos : FaceBook Cabana SD

-Información : José Manuel Vázquez

-Texto e montaxe : Xosé Búa “Pirata”