O RC DEPORTIVO XOGARÁ A VINDEIRA COPA DO REI.

 

A Federación Española de Fútbol confirmou a participación do RC Deportivo na próxima edición da Copa do Rei, xa que na mesma terán cabida os equipos que cumpren as seguintes condicións:

I. Os vinte e cinco equipos que quedaron clasificados entre o primeiro e quinto posto da clasificación final dos seus respectivos subgrupos C ao termo da fase regular do Campionato Nacional da temporada anterior á celebración do torneo e, en defecto dalgún deles, por razóns de filialidad, dependencia ou calquera outras circunstancias que impidan a súa participación, o mellor clasificado que lles siga no seu respectivo grupo.

II. Os tres equipos que dispoñan do mellor coeficiente de puntos de entre os clasificados en sexto lugar da clasificación final en cada un dos cinco subgrupos C e que non sexan filiais nin dependentes.

III. Unha vez esgotados os criterios anteriores, e habendo vacantes por completar, estas asignaranse aos clubs clasificados en primeiro lugar en función da clasificación final dos subgrupos D e que obtiveron mellor coeficiente de puntos entre os que conforman os cincos grupos. Se aínda así non se completaron, o mesmo criterio levará a cabo coas posicións inferiores que corresponda, sempre tendo que esgotar unha posición completa para pasar á seguinte.

Tal e como se establecen nas bases da competición, o Dépor entrará en xogo na primeira eliminatoria, prevista entre os días: martes 30 de novembro, mércores 1 de decembro e xoves 2 de decembro.

Esta primeira rolda será a partido único e o sorteo será condicionado para que os clubs de inferior categoría, en cuxas instalacións se xogará o encontro, queden emparellados cos de maior categoría.

Aquí poden consultarse as bases do torneo.

 

O Victoria CF, tamén xogará na previa 

O Victoria Club de Fútbol, equipo fundado en 1943 e que viu crecer a xogadores da talla de Amancio Amaro ou Lucas Pérez clasificouse tras superar a fase previa.

Na final, disputada este pasado domingo en Betanzos, conseguiu o triunfo na quenda de penaltis tras empatar 1-1 fronte ao Juventud de Cambados.

Ao igual que o CD Ribadumia a pasada campaña, o conxunto herculino enfrontarase nesta eliminatoria previa a un equipo da súa mesma categoría, a Preferente, no campo que ditamine o sorteo. No caso de superar esta eliminatoria, o Victoria CF sempre xogaría a seguinte eliminatoria no seu campo e ante un equipo da Primeira División.

 

-Foto e Texto : RC Deportivo


Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies