O RC Deportivo oficializa a fichaxe de Antoñito, lateral dereito que estivo esta semana a proba :
Antonio Jesús Regal Angulo “Antoñito” (Herrera, 11 de decembro de 1987) converteuse hoxe en novo xogador do RC Deportivo para o que resta de temporada.
O lateral dereito sevillano xa se viu adestrando desde o pasado luns co equipo ás ordes de Borja Jiménez após a invitación que lle cursou o RC Deportivo para sumarse aos adestramentos tras rescindir o seu contrato co FC Cartagena no mercado de inverno.
Desde os seus comezos no CD Fuengirola Xuvenil e nas categorías inferiores do Poli Ejido, Antoñito acumula 423 partidos e 20 goles entre 2ªB (201-17), 2ª (155-1), 1ª (45-2) e Copa do Rei (22).
Valladolid (87 partidos), Poli Ejido (79), Albacete Balompié (68), Écija Balompié (65), FC Cartagena (64), Córdoba e Almería B (30 cada un), son os clubes nos que militou Antoñito até a súa chegada ao Dépor.
O novo xogador deportivista amosábase contento de incorporarse ao Depor, nas redes sociais : “Muy feliz de estar aquí para aportar mi granito de arena hasta final de temporada y devolver a este gran club histórico al sitio que se merece. Lo daremos todo para que así sea. ¡Forza Dépor!”.
-Foto : RC Deportivo
-Texto : piratasdemuxia/RC Deportivo