O RC Deportivo activa a distribución de entradas para o histórico partido contra o Pogoń Szczecin de Polonia, da UEFA Youth League.

 

O RC Deportivo activa a distribución de entradas para o histórico partido do próximo mércores ás 20:00 h. no Estadio ABANCA-RIAZOR entre o RC Deportivo e o Pogoń Szczecin de Polonia, partido de volta da primeira eliminatoria da Ruta dos Campións da UEFA Youth League.

Para achegar o máximo posible a todo o público e arroupar aos xogadores Deportivistas en busca da remontada, e como xa se fixo no histórico partido de Copa da Raíña do Dépor ABANCA fronte ao Valencia, inicialmente só habilitarase o anel inferior do Estadio ABANCA-RIAZOR.

Todas as socias e socios do Deportivo poderán dispor de entrada gratuíta para o partido, que será obrigatoria para acceder ao Estadio, non sendo posible empregar o carné para o acceso. Todas aqueles abonados que desexen retirar unha localidade de calquera das bancadas habilitadas: Tribuna Inferior, Marathón Inferior, Preferencia Inferior ou Pavillón Inferior, poderán solicitar e escoller a súa entrada correspondente en https://bancada.rcdeportivo.es

A través desa páxina, após identificarse coa súa ID de Socia/ou e os 4 últimos números do DNI, a persoa abonada poderá seleccionar calquera asento dispoñible -marcado en verde na aplicación- que desexe escoller para a súa entrada.

Con eses mesmos datos doutras persoas socias, unha única persoa pode retirar máis dunha entrada nunha soa xestión e, deste xeito, seleccionar asentos próximos, só separados polas distancias de seguridade.

Se non se ten carné do Dépor e quérese asistir ao partido tamén é posible comprar entradas, que teñen un valor totalmente solidario. O prezo das entradas é de 5 euros que serán destinados integramente ao Centro Oncolóxico de Galicia dentro do proxecto Mételle un gol ó cancro, actividade social coa que o RC Deportivo decidiu colaborar nos proxectos sociais que Clubs e UEFA apoian aproveitando a disputa desta competición.

A compra de entradas para o partido realízase tamén a través da páxina: https://bancada.rcdeportivo.es

-Foto e Texto : rcdeportivo.es


Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies