O RC DEPORTIVO ACOMETERÁ UN ERE COS SEUS EMPREGADOS ORDINARIOS E XOGADORES.

 

Segundo informa La Voz de Galicia e outros medios o RC Deportivo inforoulle aos seus empregados, (antre eles os xogadores) que acollerase a un ERE :

O RC Deportivo anunciou onte ao seu persoal de xogadores e empregados ordinarios que vai iniciar os trámites para acometer un «proceso colectivo de extinción dos contratos de traballo (ERE)» debido á grave crise económica que atravesa. Segundo o escrito que fixo chegar a todos os seus profesionais, datado onte e asinado por David Villasuso, director xeral do Deportivo, a situación financeira que atravesa «esixe unha reestruturación do persoal».

O Deportivo indica que o ERE anunciado será un «procedemento de despedimento colectivo e de suspensión de contratos e redución de xornada». Con todo, mentres se está tramitando, o club pode seguir incorporando novos xogadores ao seu persoal, que abrirá o luns os seus adestramentos de pretemporada con varias posicións, como a do lateral dereito ou o dianteiro centro, aínda por cubrir.

Nesta comunicación, o Deportivo concede aos seus traballadores «un prazo máximo de quince días para que procedan a designar por maioría unha comisión representativa que participe no período de consultas do citado expediente de regulación de emprego». O club conta actualmente cun persoal integrado por 34 deportistas profesionais e 58 traballadores «sometidos á relación laboral ordinaria», polo que advirte de que a representación que se derive desa comisión ha de resultar proporcional. O Deportivo insiste en que a falta de constitución desta comisión representativa no prazo indicado «non impedirá o inicio do período de consultas por un período máximo de quince días», nin tampouco «a ampliación da súa duración», informan dende La Voz de Galicia.

-Foto : RC Deportivo

-Texto : piratasdemuxia/La Voz de Galicia


Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies