O Muxía CF convoca aos rapaces aos rapaces do equipo cadete e xuvenil para unha xuntanza o venres 14 ás 20:00 horas no campo de futbol da Arliña. Tamén poden achegarse todos aqueles que non formen parte do equipo e teñan desexos de xogar. O clube muxián quer sentar as bases cos xuvenís (2005, 2006 e 2007), e cadetes (2008 e 2009), para a campaña 2023/24.

Por outra banda o clube da Vila da Barca ven de asinar un convenio co ximnasio DAFIT para a preparación en pretempada do primeiro equipo. Os muxiáns xusto dende acabar a tempada, como xa fixeran o pasado ano, comezaron ca renovación de xogadores coma Fran Moreira, Michael, Jose Lema, Isma Pose, Julián Busto, Iago Muiño, Manu Nogueira, Jose “Congui”, Xan Nogueira, e Mauro Romaní. No capítulo de Baixas teñen a de Mikael Mouzo e Joselu, ambos recalaron no Fisterra que dirixirá o ex adestrador dos muxiáns, Diego Capelo. No capítulo de altas ata a gora a do tandem de adestradores Nando e Fran “Pioto”. Ademáis, como xa vos informamos, os adestradores do equipo feminino serán “Congui” e Isma Pose.

-Foto : Muxía CF

-Texto : Xosé Búa “Pirata”