Segunda derrota consecutiva das mazariquenses, nun encontro moi importante e ante o máximo rival polo título de liga. Adiantábanse as visitantes con tan só 8 minutos consumidos, cun tanto de Natalia, que repetía no 27 para poñer un claro 0-2. Ainda que as rapazas dirixidas por Borja Sueiro acurtaban distanzas no 44, o gol da igualada non chegaría ante un Terra de Montes que se escapa na clasificación con 27 puntos, polos 21 das mazariquenses que caen a terceira praza, superadas por un punto polo Trazo CF, que derrotaba ao SD Bandeira “B” por 2-0 nesta xornada.

CF Mazaricos : María Pedrosa, Graciela, Claudia, María Senra, Ánxela, Tamara e Lúa, (7 inicial). Daniela, Lucía, Natasha, Katia, e Fátima.

EFB Terra de Montes : Mariña, Estefanía, Fátima, Uxía, Verónica, Andrea e Natalia, (7 inicial). Geli, Zaida, Daniela, María Luz, e Sheila.

Debido ao Entroido a liga para ata o vindeiro 5 de Marzal, que se xogará a 12ª xornada, na que o CF Mazaricos Feminino visita Silleda, para enfrontarse no “Outeiriño” ao EF Silleda.

-Texto : piratasdemuxia

-Fotos : Jorge Villar “Gorrión”