O MAZARICOS CF GOLEA O PONTECESO, (4-0), NUNHA TARDE DE CANS EN ENCONTRO ADIANTADO DA 9ª XORNADA DA 1ª GALICIA GRUPO SANTIAGO/A COSTA 2B..

1ª GALICIA GRUPO A COSTA/SANTIAGO 2B

Mazaricos e Ponteceso loitaron contra os elementos.

 

9ª Xornada

Domingo 26 de Nadal

Mazaricos CF 4-0 Ponteceso SD

Hora : 16:00

Campo : “Pedra d´ouro”, (Pino do Val-Mazaricos)

Colexiado : Luis M. Insua Lagoa.

O equipo mazariquense ponse segundo a puntos co SD Negreira que non xogará ata o vindeiro 2 de Xaneiro, tras derrotar ao Ponteceso nunha tarde de cans, con vento e choiva. Saeu en tromba o equipo local e deixaba moi encarrilado o choque antes do cuarto de hora de xogo. Era primeiro Kevin aos 10 minutos de xogo o que abría o marcador, e tan só 3 minutos despois Marcos Corzón facía o segundo. Resultado co que se ía a vestiarios. Na reanudación o equipo pontecesán saeu con forza e tivo ocasións como para meter ese gol que os achegara a posibilidade de loitar polos puntos, pero xa cos dous equipos moi cansos do titánico esforzo, polas condicións atmosféricas e tendo en conta que os corpos tiñan enriba os excesos do Nadal. Mario no 82 deixaba finiquitado o choque e Adrián Cives facía o cuarto no 87, cos equipos xa pensando máis en que se acabase canto antes o encontro.

 

Xogado o Domingo 19 de Nadal

CD Belvís 0-5 SD Tordoia

Hora : 16:30

Campo : “As Cancelas”, (Santiago de Compostela) 

Colexiado : Manuel Castro Mouzo. Un cartón amarelo para os locais, e 2 para os visitantes.

Golpe enriba da mesa do SD Tordoia de Marcos Donnici, que remata o ano como lider  con 21 puntos, 2 máis co SD Negreira que ten un encontro menos, o que deberá xogar o vindeiro 2 de Xaneiro de 2022 ante o Corme CF no “Jesús García Calvo”. Os tordoieses puxéronse 0-2 con goles de Denís Pose, (7´) e Óscar Andrade, para na segunda metade golear con tantos de Óscar, (53´), Denís Pose, (68´) e Abel, (71´).

 

 

Domingo 2 de Xaneiro 2022

Soneira SD – CF Dumbría

Hora : 16:00

Campo : “Jesús García Calvo”, (Negreira)

Colexiado : Por determinar.

 

CD Baio – Volantes de Baño CF

Hora : 16:30

Campo : “Platas Reinoso”, (Baio)

Colexiado : Por determinar

 

SD Negreira – Corme CF

Hora : 17:00

Campo : “Jesús García Calvo”, (Negreira)

Colexiado : Por determinar.

 

-Foto : Jorge Villar “Gorrión”

-Texto : piratasdemuxia