Fisober FS 2-2 Alto do Vento FS
Os rapaces de Ana Mouzo e Dani Costa xogaron este pasado Domingo 1 de Xuño do 2025 o encontro do ascenso a Preferente Futgal FS para saber quen era o campión e o subcampión, no Pabillón “Pedra Mámoa” ante o Alto do Vento FS, un choque no que se adiantaban os “picholeiros” no primeiro minuto de xogo cun gol de Marcos Soto, a resposta dos da Costa da Morte chegaba no 12 por medio de Iago Insua para empatar o encontro, pero tras sacar de centro na seguinte xogada Antón Garrido poñía de novo por diante aos de Santiago.
Tralo descanso os fisoberistas, que chegaron escasos de efectivos a este encontro, conseguían empatar o choque cun novo tanto de Iago Insua, pero ainda con moito tempo por diante para acadar a remontada pero non se movería o marcador, polo que saber quen era o campión da fase houbo que ira tanda de penaltis.
Na tanda de penaltis comezou lanzando o Alto do Vento e marcaba por medio de Naum, empataba Pablo Costa, e marcaba Mateo do Pazo, para empatar de novo o fisoberista Iago Insua, de novo eles por diante cun tanto de Álvaro Suárez, e empataba para os da costa Samuel Sambad. Marcos Soto facía ó 3-4, e chegaba o fallo dos do Fisober por medio de Brais Dono. Antón Garrido non erraba e quedaban campións.
Fisober FS : David Ozón, Pablo Costa, Iago Insua, Samuel Sambad e Juan Clavera, (5 iniial), Brais Dono, Mario Ferreiro e Javier Lema.
Alto do Vento FS : Ánxo Barral, Álvaro Suárez, Mateo Dopazo, Marcos Soto e Naum Varela, (5 inicial), Tomás Cabaleiro, Pablo Porto, Antón Garrido, Andrés Pérez e Matías Fuentes.
Goles : 0-1, Marcos Soto, (1´); 1-1, Iago Insua, (12´); 1-2, Antón Garrido, (13´); 2-2, Iago Insua, (24´).
Arbitros : Iago Cacheda e Nicolás Cutrone. Amonestaron a Juan Clavera, do Fisober, (30´).
-Foto : Fisober FSF
-Texto : Xosé Búa “Pirata”