PREFERENTE GALICA
LIGA AUTONÓMICA
O Fisober goleou e levantou o pedal.
ADC LUGO SALA PSICOTÉCNICO DINAN 3-7 FISOBER FSF
LUGO: Jesica, Mireia, Lucía, Mariajo, Ana; Tamén xogaron: Uxía, Fany, Jenny, María, Belén.
FISOBER: Sharay, Adriana, Paula Fandiño, Nuria, Barca; Tamén xogaron: Patri, Claudia, Mai.
ÁRBITROS: Tania Penabad, Nicolás Vázquez.
GOLES: 0-1 min 5 Mai, 0-2 min 10 Nuriña, 0-3 min 16 Paula Fandiño, 0-4 min 19 Patri, ( descanso); 0-5 min 23 Patri, 1-5 min 31 Jenny, 1-6 min 32 Claudia, 1-7 min 38 Barca, 2-7 min 38 Jenny, 3-7 min 39 Jenny.
Partido correspondente a cuarta xornada da Liga Autonómica- Preferente Galicia disputado na tarde do sábado no P.M. Casa do Deporte – Frigsa de Lugo.
CRÓNICA
O Fisober sacaba adiante con solvencia un partido no que recuperaba a Adriana, Patri e Barca pero no que no podía contar con Ana, Uxía, Lucía Martínez, María Dumbría e Saray o cal fixo que Paula Fandiño lucise o brazalete de capitana.
Aos cinco minutos Mai poñía por diante as costeiras e fixo que todo fora moito máis fácil na visita a terras lucenses no medio das festas do San Froilán.
Mediada a primeira metade era Nuriña a que facía o segundo e pouco despois era Paula Fandiño a que poñía xa tres goles por enriba ao conxunto costeiro.
Antes de chegar ao tempo de lecer era Patri a que facía o cero a catro e que deixaba encamiñado o partido.
A volta de vestiarios novamente Patri marcaba para o cero a cinco. Pasaron os minutos ata que mediada a segunda metade a lucense Jenny reducía diferenzas no electrónico.
Pouco lle durou a inquedanza ao Fisober xa que tan solo un minuto despois Claudia facía o sexto gol visitante. Unha Claudia aínda en idade cadete que facía o seu primeiro gol ca camisola do Fisober na categoría.
Antes do final era Barca a que voltaba a marcar co Fisober tantos anos despois e facía tamén o seu primeiro gol da tempada.
Antes do fin chegaría o tempo para as locais que por medio de Jenny fixeron o segundo e o terceiro para que a xogadora lucense enmarcara o seu hattrick no partido. Chegándose ao final co definitivo tres a sete para o conxunto costeiro.
Desta forma o Fisober consegue os seus primeiros puntos a domicilio na tempada e tamén xuntar dos triunfos seguidos por primeira vez na tempada.
Próxima xornada
A vindeira semana novo partido a domicilio para o Fisober que nesta ocasión visitará ao Gaiola en Santiago de Compostela.
-Foto e Texto : Fisober FSF/Luis Sambad