Os deportivistas chegan a “Final-four” tras remontar ante Atlético e Viillareal.
A sede da Real Federación Española de Fútbol acolleu este mediodía o sorteo de semifinais da Copa del Rey Xuvenil que se disputarán a próxima semana en sede única, xunto á final e o terceiro e cuarto posto: o Estadio Reino de León.
O RC Deportivo enfrontarase no penúltimo partido da competición á UD Almería, a segunda semifinal segundo as bólas extraídas polo seleccionador nacional sub-17 e campión da competición, Julen Guerrero.
As semifinais quedaron configuradas do seguinte modo:
Semifinal 1: Athletic Club – Real Madrid
Semifinal 2: RC Deportivo – UD Almería
A anterior e única semifinal de Copa para o Dépor foi na campaña 2010-11, despois de apear á Real Sociedad en oitavos e ao Real Madrid en cuartos. Naquela ocasión, o Xuvenil A foi eliminado polo FC Barcelona.
Nos próximos días, a RFEF ofrecerá toda a información sobre horarios e venda das entradas dispoñibles para a final a catro de León 2023.
O Concello da Coruña e o RC Deportivo trataron de que se xogara a fase final na Coruña pero non foi posible, e a opción leonesa levouse o final deste campionato.
-Foto : Castellón Sports
-Texto : RC Deportivo/piratasdemuxia