Segundo nos informan dende o RC Deportivo : O vindeiro mércores 4 de setembro, ás 20:00 horas, terá lugar o Memorial Moncho Rivera co partido entre o Racing Club de Ferrol e o RC Deportivo no estadio da Malata. Trátase dun encontro benéfico que alcanza xa a súa vixésimo primeira edición e que cada ano organiza o Victoria CF co apoio de Corporación Hijos de Rivera.

A recadación desta edición irá destinada a ASPANEPS (Asociación de Pais e Nenos con Problemas Psicosociais) e ASFEDRO (Asociación Ferrolá de Drogodependencias), dúas organizacións de gran impacto social en Ferrol.

O prezo das entradas é de 5€ para adultos, excepto para a zona de tribuna cuxo importe é de 8€ para non socios, e gratuítas para os nenos menores de 14 anos. As entradas poden adquirirse xa na web: https://entradas.abanca.com/é/event/racing-ferrol-rc-deportivo/ e nos clubs de afeccionados da comarca de Ferrol, nas instalacións do Victoria e nos despachos de billetes do estadio da Malata o día do partido desde as 12:00 horas ininterrompidamente até a hora do partido.

Tamén é posible realizar doazóns mediante transferencia bancaria ao número de conta: ES53 2080 0064 9830 4001 2243

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es