O RC Deportivo pechou o proceso de cambios de localidade cun rexistro de 28.200 abonados. A cifra distribúese en 26.486 socios con praza no estadio, 1.334 na modalidade Soci@s Amig@s e 380 como Nen@s Dépor.
O club herculino anunciou ademais a apertura dun período excepcional, que comezou no día de hoxe e que se extende ata o venres 22 de agosto, no que Soci@s Amig@s e Nen@s Dépor poderán converterse en abonados con asento. O tope sitúase en 28.000 localidades de bancada, medio milleiro máis que na tempada anterior.
O trámite será obrigatoriamente presencial na Oficina de Atención ao Deportivismo (Avenida de La Habana s/n, A Coruña), e as prazas asignaranse por rigorosa órde de chegada, sempre en función da dispoñibilidade de cada zona do estadio.
Neste momento aínda existen localidades libres en Tribuna Superior, Tribuna Inferior e Preferencia Superior. Pola contra, xa están completamente esgotadas as bancadas de Marathón Inferior e Superior, Preferencia Inferior e Pavillón Superior e Inferior.
A Oficina de Atención ao Deportivismo mantén o seu horario habitual: de luns a venres de 10:00 a 13:30 horas e pola tarde entre as 16:30 e as 19:00 horas.
-Foto e texto : Xosé Búa “Pirata”