O Bergantiños FC segue a perfilar o equipo para a sua segunda tempada cponsecutiva na 2ª RFEF, e anuncia a fichaxe do ex do Palencia Cristo, Adri Pérez, así como a de Dani Pedrosa. Ademáis estes días datrás acometía as renovacións de, Brais Alonso, Pablo Agulló, e Marcos Remeseiroe as baixas de Concheiro, Jorge Cano, Brais Pereiro, Martín Lamelas e Iago Parga.

Adri Pérez, o derradeiro en chegar

O Bergantiños FC informa da nova incorporación de Adri Pérez para esta Temporada 22/23.
O mediapunta de 26 anos (26/01/1996), natural de Palencia chega procedente do Palencia Cristo Atlético no que militou nestas últimas catro tempadas.

Antes pasou polo Unionistas de Salamanca CF e formouse na súa etapa xuvenil no Real Valladolid C.F. S.A.D . Defínese como “un xogador con boa visión de xogo, traballador e ambicioso”.

O club dálle a benvida a Adri Pérez neste proxecto e na súa nova casa que será o Estadio Municipal As Eiroas.

-Foto : Comunicación Bergantiños FC

-Texto ; ppiratasdemuxia/Comunicación Bergantiños FC