NOVAS BREVES DO RC DEPORTIVO :

 

Manu Sánchez renovado co Deportivo Feminino

Manuel Sánchez García (A Coruña, 29 de outubro de 1978) e o Real Club Deportivo chegaron a un acordo para a ampliación do seu contrato como adestrador do Deportivo ABANCA por tres campañas máis, até a conclusión do curso 2022-2023. Manu Sánchez dirixe ao Deportivo ABANCA desde a súa creación ao comezo da Temporada 2016-2017. O técnico coruñés acumula 163 encontros nas súas 4 campañas no banco branquiazul, 105 de carácter oficial e 58 amigables. A lista de encontros oficiais divídese en 21 en Primeira Iberdrola, 78 en Segunda División Nacional, 2 en Copa da Raíña e 4 en playoff de ascenso a Primeira Iberdrola.

 

 

Kenni Thompson nova fichaxe do Deportivo Feminino

Kenni Louise Tohmasia Thompson (Illas Bermudas, Reino Unido, 1 de decembro de 2000) converteuse hoxe en nova xogadora do Dépor ABANCA para a próxima temporada, a quinta incorporación branquiazul para o próximo curso. A xogadora de banda zurda, formada no Cornellá, Barça e Sant Gabriel, procede do RCD Espanyol de Barcelona, onde recalou após militar dúas temporadas no Chelsea. Co primeiro equipo perico debutou en Primeira Iberdrola en Abegondo no partido inaugural da Temporada 2019-2020. A fichaxe de Kenni únese as de Stephannie Blanco, Noelia Bermúdez, Helena Torres e Ainoa Campo, ademais das renovacións de Sullastres, Peke, Athenea, Cris, Alba Merino, Noelia Villegas, Carlota Sánchez, Sara Álvarez e Patri López.

 

Rolda de prensa da nova xogadora do Deportivo Feminino, Ainoa Campo

 

Acabouse a tempada para Uche Agbo

Após as probas realizadas esta tarde, os Servizos Médicos do RC Deportivo comprobaron que Uche sofre unha distensión dos ligamentos posteromediales do seu xeonllo dereito sen afectación de ligamentos cruzados. O futbolista, que será baixa no que queda desta temporada, inicia tratamento médico e de fisioterapia.
.
.
Nacho Abella na final da eLaLiga Santander
Esta fin de semana dispútase a gran final da eLaLiga Santander. Nela, o Dépor estará representado por un dos seus dous xogadores, o asturiano Nacho Abella, que se meteu entre os 16 mellores da temporada na décima posición da clasificación. Nacho está a asinar un gran final de campionato após quedar subcampión do penúltimo torneo da temporada, o terceiro online disputado a pasada fin de semana. 

.

-Fotos e Texto :  RC Deportivo/piratasdemuxia.es

 

 

 

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas.

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies