Muxía dedica a Galería Mulleres de decembro á historiadora e escritora Almudena Grandes.

 

● Varias das súas obras foron levadas ao cine. As súas son novelas cun valor
reparador para varias xeneracións. Sobre todo para quen se veu excluído
da historia.

● No ano 2020 foi nomeada Doutora Honoris Causa pola UNED.
● Almudena, sempre comprometida coa liberdade e coa vida, deixa un
baleiro non solo para os seus seres queridos e amizades, tamén para o
público lector e para todas as persoas que sentían a súa voz como un
canto reparador ante a escuridade e falta de xustiza

Muxía homenaxea a Almudena Grandes e será a
protagonista da Galería de Mulleres neste mes de decembro.
A madrileña deuse a coñecer en 1989 con “Las edades de Lulú”, XI Premio La Sonrisa
Vertical (levada ao cine por Bigas Luna, nun film transgresor e que marcou un fito).

Dende entón colleitou éxitos entre o público lector e a crítica. Mantívose en contacto
cos seus seguidores tamén dende as columnas de opinión.

Varias das súas obras foron levadas ao cine. As súas son novelas cun valor reparador
para varias xeneracións. Sobre todo para quen se veu excluído da historia.
Construídas con rigor histórico, pero cheas de emoción e compromiso. Novelas que
contan os séculos XX e XXI, e as vidas das persoas nos tempos máis escuros.

A voz
das mulleres tamén atopa un lugar destacado na súa escrita comprometida.
“Te llamaré Viernes”, “Malena es un nombre de tango”, “Atlas de geografía humana”,
“Los aires difíciles”, “Castillos de cartón”, “El corazón helado”, “Los besos en el pan”,
”Modelos de mujer”, “Estaciones de paso”…Varias mereceron premios, entre outros,
o Premio da Fundación Lara, o Premio dos Libreiros de Madrid e o dos de Sevilla, o
Rapallo Carige e o Prix Méditerranée.

En 2010 publicou “Inés y la alegría” (Premio da Crítica de Madrid, o Premio
Iberoamericano de Novela Elena Poniatowska e el Premio Sor Juana Inés de la Cruz),
e que é o primeiro título da serie “Episodios de una Guerra Interminable”, ao que
seguiron “El lector de Julio Verne”(2012), “Las tres bodas de Manolita” (2014), “Los
pacientes del doctor García” (2017, Premio Nacional de Narrativa) e “La madre de
Frankenstein” (2020).

No 2020 foi nomeada Doutora Honoris Causa pola UNED.

Almudena, sempre comprometida coa liberdade e coa vida, deixa un baleiro non solo
para os seus seres queridos e amizades, tamén para o público lector e para todas as
persoas que sentían a súa voz como un canto reparador ante a escuridade e falta de
xustiza, unha voz na que atopan o seu lugar as periferias.

A súa obra é un enorme e valioso traballo contra o esquecemento. Traballadora
incansable, deixa rematada a que será a súa última novela.

-Foto e Texto : Departamento de Comunicación Concello de Muxía

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies