Coa incorporación de Miguel Juane como asesor, o Club reforza a súa área xurídica cun profesional con ampla e recoñecida experiencia no ámbito do dereito deportivo e que complementará os labores que exerce o actual asesor xurídico do Club, Óscar Rama.

Juane, licenciado en Dereito, é avogado en exercicio, colexiado polos Ilustre Colexios de Avogados da Coruña. Mediador Colexiado desde 2014, é Master en Dereito Deportivo pola Universidade de Lleida e en Dereito Sanitario pola Universidade da Coruña.

Foi presidente do Comité Galego de Disciplina Deportiva entre xullo de 2012 e outubro de 2020; e da Asociación Galega de Dereito Deportivo entre 2016 e 2020. Ademais do seu labor docente e investigadora nos campos dos que é especialista, é membro do Tribunal de Arbitraxe e mediador do COE, ademais de vicepresidente da Asociación Española de Mediación Deportiva

Miguel Juane está vinculado co deporte en toda a súa traxectoria vital, porque antes de iniciar a súa carreira no ámbito xurídico foi xogador profesional de baloncesto, ademais de ser director xeneral do CAB Obradoiro.

-Foto e Texto : RC Deportivo